Elbasy Іshki ister mınıstrligi janynan Kóshi-qon máseleleri jónindegi ulttyq bıýro qurýdy tapsyrdy
Keńes barysynda Elbasy elimizdegi baqylaýsyz kóshi-qon úderisterine, zańsyz kóshýlerdiń, sonyń ishinde óz betinshe jerdi basyp alýdyń qalyptasyp otyrǵanyna nazar aýdaryp, bunyń qylmysqa jaǵymdy orta bolatynyn atap ótti.
«Úkimetke kóshi-qondy baqylaýdyń yqpaldasqan júıesin qurý baǵytyndaǵy jumysty jedeldetken abzal, ol zamanaýı tehnologııany engizýge negizdelýi kerek. Sonymen qatar, daktıloskopııalyq tirkeý týraly zań jobasy ázirlenýi kerek. Al buǵan deıin halyqty tirkeý men esepke alý tetikteriniń oryndalýy qamtamasyz etilýi kerek.
Jergilikti bılik organdarynyń basshylary jer ýchaskelerin zańsyz basyp alý men ornalasýǵa jol bergeni úshin tikeleı jaýap beretin bolady. Barlyq ákimderge osy jumysty júrgizýdi tapsyramyn jáne ol boıynsha ár jarty jyl saıyn baıandap turatyn bolasyzdar.
Budan bólek, elimizge keletin mıgranttardy mindetti tirkeýdiń múmkindigin qarastyrý kerek. Osy aıtylǵandardyń barlyǵy, normatıvtik quqyqtyq aktilerde kórinis tabýy shart. Bul elimizdegi qaýipsizdik pen qoǵamdyq tártiptiń múddesi úshin júzege asyrylatyn bolady.
Úkimet Іshki ister mınıstrligi janynan Kóshi-qon máseleleri jónindegi ulttyq bıýrony qurý týraly jumysty jedeldetýi kerek. Ol mıgratsııalyq úderisterdi retteýge, osy saladaǵy jumystarǵa taldaý jasaýǵa jaýapty bolady», - dedi N. Nazarbaev.
