Elbasy ındýstrııalandyrýdaǵy kemshilikterdi joıýǵa tapsyrma berdi

ASTANA. 3 shilde. QazAqparat - Búgin elordada ótip jatqan Indýstrııalyq forým barysynda Memleket basshysy Nursultan  Nazarbaev  jaýapty memlekettik organ basshylaryna, óńir basshylaryna ındýstrııalandyrý baǵdarlamasyn oryndaýdaǵy kemshilikterdi joıýǵa tapsyrma berdi.

Sóz arasynda Memleket basshysy eldiń aldynda, atqarýshy bıliktiń aldynda turǵan mańyzdy máselelerge taǵy bir toqtalyp ótti. Prezıdenttiń aıtýynsha, bular: ındýstrııalandyrý, óńirlerdi teńgerimdi damytý jáne áleýmettik jańǵyrý.

«Baǵdarlamanyń birinshi jartysynda ne isteldi? Jetistikterimiz týraly baıandamashylar aıtyp ótti. Alaıda, kemshilikter de tolyp jatyr. 2010 jyly qolǵa alynǵan 225 jobanyń 2011 jyldyń birinshi jartyjyldyǵynda tek jartysy ǵana 60 paıyzy ǵana qolǵa alyndy. Árıne, men túsinemin. Zaýyttar óndiristik qýatqa qosylý úshin 3-5 jyl qajet. Alaıda, álgi kásiporyndardy bastaýǵa 1 jyl berildi», - degen Elbasy N. Nazarbaev osyndaı kemshilikter oryn alyp otyrǵan barlyq óńir basshylyqtarynyń qaperine olardy joıý týraly eskertý jasady.