Elbasy: Indýstrııalandyrý kartasynyń mártebesin arttyrý qajet

ASTANA. 3 shilde. QazAqparat - Indýstrıalandyrý kartasynyń mártebesin kóterý kerek. Búgin elordada ótip jatqan Indýstrııalyq forým barysynda Memleket basshysy Nursultan  Nazarbaev osylaı málim etti.

 «Eń aldymen mınıstrler men ákimderde ındýstrııalandyrý máselesine jeńil-jelpi qaraıtyn túsinik bolmaýy shart. Árıne, biz búgin barlyq jobalardy qosýǵa tyrysyp jatyrmyz, alaıda osy nysandar qazirgi emes, erteńgi, keleshektegi kún talabyna jaýap berýleri kerek. Ókinishke qaraı, keı jaǵdaıda ádemi esep berip, núkteni basyp, lenta qıyp, artynan umytyp ketetinder bolyp jatyr. Sondyqtan da ondaı kásiporyndar óndiris qýatyna shyǵa almaıdy», - dedi Elbasy N. Nazarbaev.

Bul rette Prezıdent Indýstrııalandyrý kartasyna joǵary qosylǵan qun salyǵy bar, joǵary tehnologııaly ónim shyǵaratyn, naqty negizi bar jobalar qamtylýy shart. «Memlekettik organdar, eń aldymen ákimdikter bastapqy kezeńde ǵana emes, jobany tolyq qýatyna shyqqansha qoldaýy kerek. Úkimet udaıy jobanyń problemalaryn qadaǵalap otyrýy shart. Týyndaǵan problemalardy der kezinde sheshý qajet», - dedi Elbasy.