Elbasy ındýstrııalandyrý baǵdarlamasy úshin Á. Isekeshevke rızashylyǵyn aıtyp, jańa mınıstrge senim bildirdi

ASTANA. QazAqparat - Búgin Astanada Indýstrıaldy-ınnovatsııalyq damý baǵdarlamasynyń 2016 jylǵy I jartyjyldyq qorytyndysyna arnalǵan keńesti ashqan Memleket basshysy Nursultan Nazarbaev buǵan deıin ındýstrııalandyrý saıasatyn júzege asyrýǵa jetekshilik etken burynǵy mınıstr Áset Isekeshevke rızashylyǵyn bildirdi.

«Jumysqa kirispes buryn, sońǵy alty jylda atqarǵan jumystary úshin Áset Órentaıulyna rızashylyǵymdy bildirgim keledi. Osy jyldar ishinde aýqymdy sharalar atqaryldy. Á. Isekeshev Qazaqstandaǵy ındýstrııalandyrýdy engizýdiń pıoneri boldy. Álemniń barlyq ındýstrııalanǵan memleketterin aralap shyqty. Bizdiń osy baǵyttaǵy sharttarymyzdy álem de bile bastady. Árıne, kemshilikter bolmady dep aıta almaımyz. Degenmen, eń bastysy baǵdarlama iske  qosyldy, biz ony ary qaraı jalǵastyrýymyz kerek», - dedi Elbasy.

Sonymen qatar, Prezıdent Á.Isekeshevke óziniń tájirbesin elimizdiń Astanasyn damytýǵa jumsaıtynyna senim bildirdi. Sonymen qatar, Elbasy Investıtsııalar jáne damý mınıstri bolyp taǵaıyndalǵan jańa mınıstrdi de quttyqtady.

«Jeńis Qasymbek Isekeshevpen birge jumystar atqardy. Tájirıbesi barshylyq, jas ári jigerli. Ol osyǵan deıingi barlyq kemshilikterdi ekshep, jańa jumystarǵa tyń serpin beredi dep senemiz», - dedi N. Nazarbaev.