Elbasy indetti jeńetinine senemiz - Qaınar Abasov

NUR-SULTAN. QazAqparat – Shymkenttegi «Hlopkoprom- Tsellıýloza» JShS bas dırektory, oblystyq máslıhat depýtaty, «Atameken» palatasy óńirlik keńesiniń tóraǵasy Qaınar Abasov Tuńǵysh Prezıdent-Elbasy Nursultan Nazarbaevtyń tez saýyǵyp ketýine tilektestik bildirdi, dep habarlaıdy QazAqparat tilshisi.

«Biz, Qazaqstan bıznesiniń ókilderi Tuńǵysh Prezıdent-Elbasy Nursultan Ábishuly Nazarbaevtyń tez saýyǵyp ketýin shyn júrekten tileımiz. Elbasy osy indetti jeńetinine senemiz. Tuńǵysh Prezıdenttiń basshylyǵymen biz joǵary jetistikterge jettik, sondaı-aq aldaǵy ýaqytta aýqymdy jobalardy iske asyramyz dep úmittenemiz», - dedi Q. Abasov.

Sonymen qatar ol Prezıdent pen Úkimet tarapynan koronavırýs ınfektsııasymen kúreste qabyldanyp jatqan sharalarǵa toqtala kele, eki aıda atqarylǵan jumystar óziniń ońtaıly nátıjesin bergenin atap ótti.

Onyń paıymynsha, basqa eldermen salystyrǵanda, Qazaqstan aıtarlyqtaı joǵary shyǵyndarǵa tap bolmady. Óıtkeni, elimizde ınfektsııasynyń taralýyna tosqaýyl qoıý úshin tıisti sharalar qabyldandy.

Budan buryn habarlanǵandaı, Elbasy koronavırýsqa baılanysty oqshaýlandy. Biraq jumysyn qashyqtan jalǵastyrýda.