Elbasy Ibragım Jańǵorazovtyń jaqyndaryna kóńil aıtty

NUR-SULTAN. QazAqparat – Elbasy Sotsıalıstik Eńbek Eri, qoǵam qaıratkeri Ibragım Jańǵorazovtyń týystary men jaqyndaryna kóńil aıtý jedelhatyn joldady, dep habarlaıdy elbasy.kz.

Qazaqstannyń Tuńǵysh Prezıdenti Sotsıalıstik Eńbek Eri, qoǵam qaıratkeri Ibragım Jańǵorazovtyń dúnıeden ótýine baılanysty aýyr qaıǵyǵa ortaqtasyp, kóńil aıtty.

«Ibragım Dáýituly erekshe eńbekqorlyǵy men qabilet-qarymynyń arqasynda qarapaıym zootehnıkten iri óndiris kompanııasynyń basshysy, saılaýshylar senimin arqalaǵan depýtat laýazymyna deıingi ónegeli joldardan ótken abzal azamat edi. Ol elimizdiń ósip-órkendeýine, egin jáne mal sharýashylyǵynyń damýyna, halyqtar arasyndaǵy dostyq pen yntymaq-birliktiń nyǵaıýyna kóp eńbek sińirdi. Jemisti qyzmeti joǵary marapattarmen atap ótildi.

Onyń ǵıbratty ǵumyry urpaqtaryna árdaıym úlgi bolyp qala beredi dep oılaımyn», - delingen jedelhatta.