Elbasy Hosnı Múbaraktyń qaıtys bolýyna baılanysty kóńil aıtty

NUR-SULTAN. QazAqparat - Elbasy Mysyr Arab Respýblıkasynyń burynǵy Prezıdenti Muhammed Hosnı Múbaraktyń qaıtys bolýyna baılanysty kóńil aıtý jedelhatyn joldady, dep habarlaıdy elbasy.kz.

Qazaqstannyń Tuńǵysh Prezıdenti Muhammed Hosnı Múbaraktyń dúnıeden ozǵany týraly sýyt habardy kúızelispen qabyldady.

«Men Muhammed Hosnı Múbarakpen birneshe márte kezdestim. Ol Qazaqstan men Mysyr arasyndaǵy qarym-qatynastyń nyǵaıýyna jáne senim men dostyqqa negizdelgen yntymaqtastyqtyń damýyna tikeleı septigin tıgizdi.

Osynaý azaly sátte Mysyr halqyna jáne marqumnyń otbasy men jaqyndaryna qaıǵysyna ortaqtasyp, kóńil aıtamyn», - delingen jedelhatta.