Elbasy han-sultandarymyzdyń armanyn oryndap, jańa Qazaq memleketiniń irgetasyn qalady - Bas múftı
«Rasynda táýelsiz elimizdiń ərbir jetken jetistiginde, baǵyndyrǵan belesinde Tuńǵysh Prezıdentimiz – Elbasy Nursultan Nazarbaevtyń qoltańbasy jatqanyn aıtý, alǵys bildirý – adamgershilikten. Biz – adamdar arasyndaǵy alaýyzdyqqa, dinder arasyndaǵy daý-damaılarǵa tosqaýyl qoıýǵa talpynǵan, tynyshtyq pen tatýlyqty basty tirek etken elmiz. Baýyrmaldyq, meıirbandyq, dostyq, qamqorlyq syndy qundylyqtar – qazaq halqynyń tabıǵı bolmysynda bar asyl qasıetter. Baǵzy zamannan beri bereke men birlikti, yntymaq pen yrysty, dostyq pen tatýlyqty tý etken Qazaq eli táýelsizdiktiń sanaýly jyldarynda alys-jaqynnyń arasyn jarastyryp, dini bólekterdi bir dóńgelek ústel basyna jınaǵan bitimger memleketke aınaldy», - dep atap ótedi Bas múftı.
Naýryzbaı qajy Taǵanulynyń atap ótýinshe, osynaý tarıhı iske bastamashyl bolyp, elimizdegi 100-den astam ult pen ulysty bir shańyraqtyń astyna toptastyra bilgen Elbasynyń eren eńbegi tarıhta məńgi qala bermek. Elbasy təýelsizdik jyldarynda dinı senimi men ustanymy bir arnaǵa toǵysa bermeıtin əlemdik dəstúrli din kóshbasshylarynyń basyn elordaǵa qosyp, din qaıratkerlerin ortaq maqsatqa úndedi. Nur-Sultan qalasynda ər úsh jyl saıyn ótetin Əlemdik jəne dəstúrli din lıderleriniń sezi jer júzindegi dini men tili, ulty men ulysy ərtúrli kúlli adamzat balasyn birlik pen beıbitshilikke, ymyra men yntymaqqa uıystyrǵan basqosý bolyp kele jatqany jasyryn emes.
«Ol keshegi han-sultandarymyzdyń armanyn oryndap, jańa Qazaq memleketiniń irgetasyn qalady. Memleketti basqarýda ult birligin, din birligin birinshi orynǵa qoıyp, dostyq pen kelisimniń úzdik úlgisin qalyptastyra bildi. Allaǵa shúkir, osynaý sarabdal saıasattyń arqasynda bizdiń elimizde tynyshtyq pen turaqtylyq saltanat qurdy. Elbasynyń Qaýlysymen musylman qaýymynyń ulyq meıramy – Qurban aıt demalys kúni bolyp jarııalandy. Qasıetti Ramazan aıynda ımamdar men zııaly qaýymǵa aýyzashar berý – Nursultan Ábishulynyń jyl saıynǵy saýapty hám dástúrli amalyna aınalǵan. Arqa tósinde respýblıkalyq «Əziret Sultan» meshiti salynyp, Qazaqstan musylmandary dinı basqarmasynyń bas keńsesi boı kóterdi. Almaty qalasynda Nur-Múbárak ýnıversıteti ashylyp, oqý ornyn bitirgen din qyzmetkerleri eldiń birligi men yntymaǵyna úles qosýda»,- dedi QMDB tóraǵasy.
Bas múftıdiń dereginshe, Táýelsizdik jyldarynda elimiz boıynsha nebary 68 meshit bolsa, búginde qulshylyq ordalarynyń sany 2600-den asty. Egemendik alǵan jyldan bastap jer-jerde medreseler men qarılar ortalyǵy boı kóterdi. Orta bilim beretin 9 medresez kolledj mártebesin aldy. Oqý ordasyn támamdaǵan shákirtter de el ıgiligi jolynda qyzmet etýde.
