Elbasy halyqtyń zeınetaqy júıesin tez arada jańǵyrtýǵa daıyn emestigin bildi - B.Ahmetjanova
ASTANA. 8 maýsym. QazAqparat - Memleket basshysy halyqtyń zeınetaqy júıesin tez arada jańǵyrtýǵa daıyn emestigin sezdi, dep sanaıdy Astananyń kommertsııalyq emes uıymdary forýmynyń prezıdenti Baıan Ahmetjanova.
«Men, Prezıdent zeınetaqy júıesin jańǵyrtý jónindegi zań jobasyn tyńǵylyqty ázirleý úshin qaıtara otyryp, durys qadam jasady dep sanaımyn. Qaziri zeınetaqy júıesin jańartýdyń birinshi tolqyny bastaldy, ári kóptegen konsýltatsııalar men túsindirý jumystary júrgizilgenimen adamdar mundaı ózgeristerge daıyn emes. Sonymen qatar bul zeınetke áne-mine shyǵamyn dep otyrǵan adamdar úshin tosyn bolǵany ras. Memleket basshysy áıelderdiń zeınet jasyn kóterý merzimin ózgertti, bul aralyqta adamdar atalǵan ózgeristerge daıyn bolyp úlgeredi», - dedi ol.
B.Ahmetjanova Elbasynyń azamattardy áleýmettik qorǵaý baǵytyndaǵy bastamalaryna da qoldaý bildiretindigin atap ótti. «Prezıdenttiń bastamasy, onyń Úkimetke bergen tapsyrmalary kókeıge óte qonymdy boldy», - dedi ol.
