Elbasy halyqaralyq áıelder kúnine arnalǵan «Álemniń jaryǵy» atty saltanatty kontsertti tamashalady (FOTO)
ASTANA. QazAqparat - Elbasy Nursultan Nazarbaev elordadaǵy «Qazaqstan» ortalyq kontsert zalynda halyqaralyq áıelder kúnin merekeleýge arnalǵan «Álemniń jaryǵy» atty saltanatty kontsertti tamashalady.
Atap aıtqanda, osy mádenı shara bastalardyń aldynda «Jas ulan» respýblıkalyq mektebiniń tárbıelenýshileri úsh myń bes júz orynǵa arnalǵan kontsert zalyna jınalǵan barsha áıelder qaýymy ókilderine qyzǵaldaq gúlderin syıǵa tartty.
Qazaqstannyń úzdik ónerpazdary qatysqan kontsertte búkil halyqtyń súıispenshiligine bólengen fılmderdegi tanymal ánder shyrqaldy.
Kontsert barysynda N. Tilendıevtiń «Aqqý» kúıi, «ıApyr-aı» halyq áni, «Ana týraly jyr» áni,sondaı-aq «Sý tasýshy qyz», «Sulý qyz», «Qaıdasyń», «Astana», «Týǵan El» ánderi oryndaldy.
Aıta keteıik, kontsertke búgin halyqaralyq áıelder kúnine oraı Aqordada Prezıdentpen kezdesýde bolǵan Qazaqstannyń áıelder qaýymy ókilderi de keldi. Olardyń arasynda kópbalaly analar, bıznes ókilderi, áskerıler, ǵalymdar, dárigerler, pedagogtar, mádenıet pen sport qaıratkerleri, jýrnalıster bar.
Kezdesý barysynda Memleket basshysy áıelderdi kele jatqan merekemen quttyqtap, olardyń barlyq bastamalaryna tabys, ózderine mol shattyq tiledi. Elbasy is-shara barysynda kópbalaly ana A.Toqpanovaǵa «Altyn alqa» tapsyrdy.
