Elbasy halyq ártisi Álibek Dinishevti qabyldady

ASTANA. QazAqparat - Kezdesýde Nursultan Nazarbaev pen Álibek Dinishev Qazaqstannyń mádenıeti men ónerin damytýdyń qazirgi máseleleri, sondaı-aq rýhanı jańǵyrý úderisindegi shyǵarmashylyq zııaly qaýym ókilderiniń róli jóninde pikir almasty, dep habarlady búgin Aqordanyń baspasóz qyzmeti.

Memleket basshysy halyq ártisiniń Otan aldyndaǵy mádenıet salasyna sińirgen zor eńbegin joǵary baǵalap, onyń elimizde ǵana emes, shetelderde de tanymal ekenin atap ótti.

Qazaqstan Prezıdenti mádenıetti damytýdy memlekettik deńgeıde qoldaýdyń mańyzdylyǵyna nazar aýdaryp, sońǵy jyldary osy salada qol jetkizilgen naqty nátıjelerge toqtaldy.

«Qazir elimizdiń mádenıet salasy baǵdarlamalyq maqalamda aıqyndalǵan baǵyttarǵa sáıkes damyp keledi. Biz búkil álemge pash etiletin týyndylar jasaýǵa kiristik. Jańa opera jáne balet teatryn, kontsert zaldaryn saldyq, sonyń biri «Astana EKSPO-2017» kórmesiniń aýmaǵynda ornalasqan. Bári opera jáne balet teatrynda óner kórsetkisi kelip, sonda barýdy qalaıdy», - dedi Nursultan Nazarbaev.

Á.Dinishev Elbasyna mádenıet pen ónerge kórsetken qoldaýy úshin alǵys aıtyp, «Astana EKSPO-2017» halyqaralyq kórmesinen alǵan áserimen bólisti, sondaı-aq otandyq óner áleminde bolyp jatqan jańalyqtar jóninde áńgimeledi.

«Siz elimizde ónerdiń damýyna zor mán berip kelesiz, jańa mádenıet nysandary ashylyp, jańa shyǵarmashylyq ujymdar qurylýda. Osynyń barlyǵy ónerimiz arqyly Qazaqstandy álemge tanytý úshin jasalyp otyr», - dedi Á.Dinishev.