Elbasy halyq aldyndaǵy mıssııasyn abyroımen aıaqtady - óner ujymy
«Elbasymyzdyń óz qyzmetin toqtatý týraly sheshimi kútpegen jaǵdaı boldy.
28 jyl Táýelsiz elimizdi basqaryp kelgen kóregen Elbasymyz turaqtylyq pen kelisimdi serik qylǵan jas memleketimizdiń Tuńǵysh Prezıdenti retinde ózine júktelgen mińdetti abyroımen oryndap, Qazaqstandy álem moıyndaǵan elge aınaldyrdy. Endigi jerde ustanǵan baǵytymyz, qoıǵan maqsattarymyz aıqyn»,- deıdi Qurmanǵazy atyndaǵy Qazaq ulttyq konservatorııasynyń rektory Arman Júdebaev.
Ol sondaı-aq sońǵy jyldary basqarý isinde jastardyń kóptep boı kórsetýi, 2019 jyldy «Jastar jyly» dep jarııalaýy, «Uly dalanyń jeti qyry» maqalasynda ulttyq tarıhymyz ben rýhanı qundylyqtarymyzǵa basa nazar aýdarýy kemeńger basshy Nursultan Ábishulynyń el tizginin jastarǵa usynyp, bet alar baǵytty da kórsetip berip otyrǵanyn osy sheshiminen keıin ańǵarǵandaımyz dedi.
«Meniń jastyǵyma qaramaı elimizdegi mańdaıaldy oqý orny - Qurmanǵazy atyndaǵy Qazaq ulttyq konservatorııasyna basshy etip taǵaıyndaýy jastardan mol úmit kútetinin jáne úlken senim artatynyn bildirip otyr. Men de aǵa býynnyń artqan senimin aqtap, elimizdiń jarqyn bolashaǵy úshin aıanbaı qyzmet etemiz», - Arman Júdebaev