Elbasy Golovkınge qarsylastaryn kóbirek sulatyp, sosyn úıge qaıtýdy tapsyrdy
ASTANA. QazAqparat - Búgin Astanada ótip jatqan «Nur Otan» saıası partııasynyń kezekten tys XVII sezinde sóz sóılegen partııa Tóraǵasy, Elbasy Nursultan Nazarbaev Qazaqstannyń rýhyn kóterip, elimizdi álem aldynda nasıhattaýǵa zor úles qosyp júrgen el sportshylaryn ult maqtanyshy retinde atap ótti.
«Bizdiń jıynymyzǵa Gennadıı Golovkın de qatysyp otyr. Búkil Qazaqstan sen boks rıngine shyqqanda saǵan jankúıer bolady. Túnniń jarymynda, Amerıkamen saǵattyń qanshama aıyrmashylyǵyna qaramastan jurt taǵatsyzdana kútedi. Olardyń bárin de sulat ta, Qazaqstanǵa oral», - dedi ázildeı sóılegen Elbasy. Óz kezeginde Gennadıı da «mindetti túrde» dep jaýap berdi.
Sonymen qatar, Prezıdent álem chempıony, Olımpıada oıyndarynyń jeńimpazy Ilıa Ilındi Qazaqstannyń maqtanyshy retinde atap ótti. «Qazaqtyń barysy Beıbittiń (Ystybaev) janynda Álııa (ıÝsýpova) da otyr. Olımpıada chempıony Serik Sápıev te osynda. Bárin sanamalaı bermeıin, olardyń barlyǵy Qazaqstandy nasıhattaýǵa ózderiniń zor úlesin qosyp jatyr. Bizdiń rýhymyz bıik. Mine, Qazaqstannyń rýhyn álem aldynda abyroımen arttyryp júrgen osy sportshylarymyz. Biz ekonomıka men saıasattaǵy derjava emes, sporttyq da derjavamyz. Jastar osy bizdiń maqtanyshtarymyzǵa qarap úlgi alsyn», - dedi N. Nazarbaev.
