Elbasy Genýıa qalasyndaǵy apatqa baılanysty Italııa Prezıdentine kóńil aıtty

ASTANA. QazAqparat - Memleket basshysy Italııa Respýblıkasynyń Prezıdenti Serdjo Mattarellaǵa kóńil aıtý jedelhatyn joldady, dep habarlaıdy Aqordanyń baspasóz qyzmeti.

Qazaqstan Prezıdenti Italııanyń soltústigindegi Genýıa qalasynda avtojol kópiriniń opyrylýy saldarynan kóptegen adamnyń qaza bolǵany týraly habardy zor kúızelispen qabyldady.

«Qazaqstan halqynyń jáne jeke óz atymnan aýyr qaıǵyǵa ortaqtasyp, qaıtys bolǵandardyń otbasylary men týǵan-týystaryna, sondaı-aq búkil Italııa halqyna kóńil aıtamyn.

Zardap shekkenderdiń tezirek saýyǵyp, otbasylaryna oralýyna tilektestik bildiremin», - delingen jedelhatta.