Elbasy «G-20» sammıtinde jahandyq problemalardy sheshý joldaryna qatysty oılarymen bólisti

«Bizdiń kózqarasymyzsha, ekonomıka men qarjyny jahandyq retteýde biryńǵaı jahandyq uıym jetekshi rólge ıe bolýy tıis. Mundaı qurylymdy BUU-nyń ekonomıkalyq jáne áleýmettik keńesin Jahandyq damý keńesi de qaıta qurý jolymen jasaqtaýǵa bolady. Oǵan Jahandyq ekonomıkalyq retteýshi qyzmeti júktelýi qajet», - dedi Elbasy.

N.Nazarbaevtyń paıymynsha, monetarlyq jáne fıskaldyq saıasatty úılestirý, qurylymdyq reformalardy túbegeıli júrgizý qajet. Biraq, ol uzaqmerzimdi prespektıvada turaqtylyqty qamtamasyz etý úshin jetkiliksiz.

«Damýshy elderdi qosa alǵanda búkil álemde aıyrbas kýrsyn turaqtandyrý boıynsha barynsha eleýli usynystar ázirleý kerek», - dep atap ótti Memleket basshysy.

Elbasy  Qazaqstan qazirgi ýaqyttaǵy eń ótkir máselelerdi sheshýdegi óz kózqarasyn «Álem. HHІ ǵasyr» Manıfesinde usynǵanyn eske salyp, «G20» tarabynan ıadrolyq qarýdan jáne ózge de jappaı qyryp-joıý qarýynan azat álem qurýda ári Manıfest ıdeıalaryn júzege asyrýda qoldaý bolatyndyǵyna senim artatyndyǵyn basa aıtty. 

«Terrorızmdi tolyǵymen jeńý úshin G20-nyń barlyq músheleriniń jáne basqa múddeli elderdiń kúshin biriktirý jaqsy bastama bolar edi. Muny barsha álemdik qoǵamdastyq kútip otyr», - dedi N.Nazarbaev.

Eske salsaq, 1 qyrkúıekte N. Nazarbaev QHR tóraǵasy Sı Tszınpınniń shaqyrtýymen G20 sammıtine qatysý úshin Qytaıǵa keldi.