Elbasy fın bıznes kapıtandarymen ne úshin kezdesti
«Fınlıandııa Respýblıkasy Qazaqstannyń Soltústik Eýropadaǵy mańyzdy saýda-ekonomıkalyq seriktesteriniń biri sanalady. Elderimiz arasyndaǵy qarym-qatynas dostyq pen ózara senimge negizdelgen. Táýelsizdik jyldary ishinde Fınlıandııa Qazaqstanǵa 300 mln dollardan astam ınvestıtsııa saldy. Elderimiz arasyndaǵy taýar aınalymy 2017 jyly 300 mln dollardy qurady», - dep atap ótti kezdesý barysynda Qazaqstan Prezıdenti.
Memleket basshysynyń dereginshe, Qazaqstanda fın kapıtaly salynǵan 100-ge jýyq kompanııa jumys isteıdi. Olar negizinen energetıka, kólik, telekommýnıkatsııa, óńdeý ónerkásibi, aýyl sharýashylyǵy syndy salalardy qamtıdy.
«Búgingi kezdesýdiń maqsaty - ekonomıkalyq baılanystardy jandandyryp, jańa iskerlik seriktesterdi izdeý. Qazaqstan keden shekarasy joq, 180 mıllıonnan astam adam turatyn Eýrazııalyq ekonomıkalyq odaqqa múshe. Biz aldymyzǵa álemniń damyǵan 30 eliniń qataryna kirý órshil mindetin qoıyp otyrmyz. Qazaqstan búginde - jańa múmkinshilikter jáne tıimdi bıznes júrgizý úshin úlken áleýet», - dedi Nursultan Nazarbaev.
Esterińizge sala ketsek, búgin Qazaqstan Prezıdenti Nursultan Nazarbaev resmı saparmen Fınlıandııaǵa keldi.
Sapar aıasynda Nursultan Nazarbaevtyń Fınlıandııa Respýblıkasynyń Prezıdenti Saýlı Nıınıstemen shaǵyn jáne keńeıtilgen quramdaǵy kezdesýi josparlanyp otyr.
foto: akorda.kz