Elbasy «Farab Library» ǵylymı ámbebap kitaphanasyna bardy

NUR-SULTAN. QazAqparat – Elbasy Nursultan Nazarbaev Túrkistan qalasyna sapary aıasynda oblystyq «Farab Library» ǵylymı ámbebap kitaphanasyna bardy, dep habarlaıdy elbasy.kz.

Qazaqstan Prezıdenti kitaphanadaǵy robottandyrylǵan tehnıka zerthanasynyń jumysymen tanysty, sondaı-aq sırek kitaptar men manýskrıpter bólimin kórdi.

Aıta keteıik, «Farab Library» kitaphanasy – zamanaýı qurylǵylarmen jáne ozyq tehnologııamen jabdyqtalǵan kópfýnktsııaly bilim berý kesheni. Bul jerde 480 myń kitapqa arnalǵan kitap saqtaý orny, tsıfrlandyrý, konservatsııalaý jáne restavratsııalaý zerthanasy, 400 adamǵa arnalǵan dáris zaly, kórme atrıýmy, FabLab tsıfrly sheberhanasy, mýzykalyq zerthana, foto jáne vıdeotúsirilimge arnalǵan mýltımedıa zaly, 3D model jasaıtyn proektsııa zaly, kallıgrafııa jáne qysh óneri stýdııasy, konferentsııa ótkizýge laıyqtalǵan zaly bar kovorkıng, kompıýter synyby, sırek kitaptar men manýskrıpter zaly ornalasqan.