Elbasy Eýrazııa ýnıversıtetiniń janynan Etnıkaaralyq qatynastardy zertteý ortalyǵyn qurý qajet dep esepteıdi
ASTANA. Qazannyń 20-sy. QazAqparat /Ernur Aqanbaı / - Elbasy Nursultan Nazarbaev Astanadaǵy L. Gýmılev atyndaǵy Eýrazııa ulttyq ýnıversıtetiniń janynan Etnıkaaralyq qatynastardy zertteý ortalyǵyn qurý qajet dep sanaıdy.
Prezıdent bul oıyn búgin Astanada ótip jatqan Qazaqstan halqy Assambleıasynyń HVІ sessııasynda aıtty.
«Qazir etnıkaaralyq qatynastar máselelerine arnalǵan ǵylymı zertteýler júıesin damytý mańyzdy. Bizdiń toleranttyq modelimizdi jetildirýdegi ortaq uǵymdar men jańa tetikterdi ázirleý maqsatynda bul máselege tereń, júıeli amal qajet. Assambleıa Hatshylyǵy osy máselelermen turaqty aınalysatyn qurylymdardyń jumysyn saraptaýy tıis. Olardyń áleýetin biriktirip, Eýrazııalyq ýnıversıtet janynan Etnıkaaralyq qatynastardy zertteý ortalyǵyn qurý qajet dep esepteımin»,- dedi Memleket basshysy.
