Elbasy Ertis ózenindegi kópir ótkeliniń qurylysymen tanysty
ASTANA. QazAqparat - Memleket basshysyna Pavlodar oblysyna sapary barysynda aýqymdy nysan qurylysynyń barysy týraly baıandaldy, dep habarlaıdy Aqordanyń baspasóz qyzmeti.
Ertis ózeni arqyly ótetin kópir ótkeli «Nurly jol» ınfraqurylymdyq damý baǵdarlamasy aıasynda iske asyrylyp jatqan «Ortalyq-Shyǵys» avtojol qurylysy jobasynyń bir bóligi bolyp sanalady.
Nursultan Nazarbaev bul jobany iske asyrýǵa jumyldyrylǵan qurylysshylarmen jáne jumysshylarmen kezdesti. Áńgimelesý barysynda ol «Nurly jol» baǵdarlamasy aıasynda memleket tarapynan oblystyń kólik ınfraqurylymyn jaqsartyp, ınvestıtsııalyq tartymdylyǵyn arttyrý úshin qajetti barlyq jaǵdaılar jasala beretinin aıtty.
Jol-qurylys kásiporyndarynyń ókilderi eldiń ınfraqurylymdyq jańǵyrtylýyna arnalǵan memlekettik baǵdarlamalardyń iske asyrylyp jatqany úshin Qazaqstan Prezıdentine alǵys bildirdi.
Bul Ortalyq Azııadaǵy eń uzyn kópir ótkeli. Qurylys barysynda merdigerlik jumystarǵa óńirdiń shaǵyn jáne orta bıznes sýbektileri tartylýda. 400-den astam jumys orny ashyldy. Kópir ótkelin paıdalanýǵa berý Pavlodar qalasynyń jol-kóshe torabynyń júgin jeńildetip, kólik-tranzıt aǵynyn ońtaılandyrýǵa septigin tıgizedi.
