Elbasy er azamattardy áıelderge tek 8-shi naýryz merekesinde ǵana emes, árdaıym qamqorlyq kórsetýge shaqyrdy
aýryzdyń 5-i. Qazaqparat /Ernur Aqanbaı/ - Memleket basshysy Nursultan Nazarbaev Qazaqstannyń er azamattaryn áıelderge tek 8-shi naýryz merekesinde ǵana emes, árdaıym qamqorlyq kórsetýge shaqyrdy. Bul jaıynda Prezıdent búgin Aqordada Qazaqstannyń áıelder qaýymynyń ókilderimen kezdesýinde aıtty,
dep habarlaıdy QazAqparat.
«Biz naryqtyq ekonomıkada ómir súrýdemiz. Naryqtyq ekonomıkada órleý jyldary da, quldyraý jyldary da bolady. Bári jaqsy kezeńder bolady, jumyssyzdyq ta bolyp jatady. Osyny paıdalanǵan keıbir azamattar, dıvanda jatyp alyp aqshany qalaı tabý jaıynda oılanady. Bir orynnan qozǵalmaı, oıǵa berilip, oıǵa shomyp, daǵdylanǵandary sonshalyqty, tipti oryndarynan turǵysy kelmeı qalady. Bul qalada da,aýylda da bar qubylys. Eń jamany - áıelderiniń arqasynda ómir súrip jatqan erkekter de bar. Bul degen uıat nárse. Áıelder mundaıǵa jol bermeýi tıis. Er azamat otbasynyń kúnkórisin qamtamasyz etýi tıis. Erkek - erkek bolýy tıis. Barlyq er azamattar áıelderge tek 8-shi naýryz merekesinde ǵana emes, árdaıym qamqorlyq kórsetýleri tıis», dedi Elbasy kezdesýde.
Memleket basshysy buryndary áıelderge qolaıly jaǵdaı jasaý qalypty jaǵdaı bolǵanyn atap kórsetti. «Buryndary jumysta áıelderge qolaıly jaǵdaı jasaý, merekeniń aldynda olarǵa syılyq berý daǵdyly dúnıe bolatyn. Aqsha erlerge qaraǵanda áıelderge kóbirek qajet. Árdaıym toty qustaı túrlenip júrýleri úshin kóptegen shyǵyndar jáne jaqsy jumys kerek. Sondyqtan da áıelderge qamqorlyq kórsetip, syı-sııapat jasaý dástúrin umytpaý qajet», dedi Elbasy. Memleket basshysy Qazaqstandaǵy balabaqshalar tapshylyǵyn joıý úshin memlekettiń qolǵa alyp jatqan sharalary da áıelderge kórsetilip jatqan qamqorlyq bolyp tabylatynyn atap kórsetti.
