Elbasy elordany kóshirý týraly: Qamys pen batpaqtan basqa eshteńe bolmady
«Men elordany aýystyrýdy 1993 jyldan beri oılap júrdim. Aqmolaǵa jaqyn Temirtaý qalasynda 20 jyldaı eńbek etkenmin, sondyqtan qala týraly aqparatym bar. Sol jyly kúzde Aqmola qalasyna arnaıy keldim. Qalanyń sheti tolǵan qamys pen batpaq. Qasymda burynǵy oblystyq komsomoldyń burynǵy hatshysy Braýn (Braýn Andreı Georgıevıch – avt.) turdy, men oǵan osy jerde astanany turǵyzamyz dedim. Ol maǵan: Nursultan Ábishuly, bul ne degenińiz bul jerde batpaqtan basqa eshteńe joq», dedi. Rasymen, batpaq pen qamystan basqa eshteńe bolmady. Basynda elordamyz solaı boldy. Sodan soń men arab elderine baryp, soltústikte ornalasqan halyq ekenimizdi aıtyp, bizdi qoldaýyn suradym. Men ol kezde bizdiń elordamyzdyń Shyǵys pen Batysty baılanystyrǵanyn qaladym. Maǵan kópshiligi kómektesti», - dedi Elbasy Nursultan Nazarbaev «Habar» telearnasynda kórsetilgen «Shtrıhı k portretý. Otkrovenıe» atty derekti fılmde.
Buǵan deıin elimizdiń Tuńǵysh Prezıdenti prezıdenttikten bas tartatyny týraly kimge birinshi habarlaǵanyn jarııa etti.
