Elbasy elordada jańadan tapsyrylǵan qonaqúıde boldy
annyń 27-si. QazAqparat /Rýslan Ǵabbasov/ - Búgin Elbasy Nursultan Nazarbaev elordada 4 juldyzdy standart sanatynda jańadan salynǵan «Kıng Otel Astana» qonaqúıinde boldy,
dep habarlaıdy QazAqparat.
«Bul tórt juldyzdy qonaqúıge úlken qarjy tólenbeıdi, ıaǵnı orta tabysy bar azamattarǵa, Astananyń qonaqtaryna, týrısterine jaǵdaı jasalyp otyr. Bul jaqsy bastama. Jaqynda ótken keńeste men osyndaı sanattaǵy qonaqúılerdi iske qosýdy tapsyrǵan bolatynmyn. Endi elordada taǵy bir jaqsy nysan paıda boldy», dedi Memleket basshysy.
500 orynǵa arnalǵan bıznes sanatyndaǵy bul keshende 3 meıramhana, 4 as bólme, karaoke-bar, sport-bar men jattyǵý zaly, sondaı-aq saýyqtyrý ortalyǵy, 2 májilis zaly jasaqtalǵan. Aıta keteıik, joba 2003 jyldan beri AVS Investments Holding kompanııasymen júzege asyryldy.
«Bul qonaqúı bastapqyda ekonom klassqa arnalyp salyndy. Mundaǵy nómirlerdiń baǵasy 12 myń teńgeden bastalady. Osy baǵa saıasaty elimizdiń óńirlerinen kelgen kez kelgen memlekettik qyzmetker men menedjerler úshin qoljetimdi. Atap aıtqanda, osynda 5 juldyzdy qonaqúıler kórsetetin servıs bar», dedi AVS Investments Holding dırektsııasynyń jetekshisi Sabyrjan Nurjanov.
Astana ákimdiginiń málimeti boıynsha, búginde qalada 135 qonaqúı bar. Onyń ishinde 4-eýi - bes juldyzdy, 7-eýi - tórt, 23-i - úsh juldyzdy, al qalǵandary birinshi sanatqa jatqyzylatyn meımanhanalar.
