Elbasy elordada ótken merekelik kontsertti tamashalady
A. Naýryzdyń 5-i. QazAqparat /Rýslan Ǵabbasov/ - Búgin Astanada Halyqaralyq áıelder kúnine arnalǵan kontsert ótti. Atalǵan merekelik sharany Elbasy Nursultan Nazarbaev kelip tamashalady,
dep habarlaıdy QazAqparat.
Kontserttiń aldynda ótken saltanatty jıynda elorda ákimi Imanǵalı Tasmaǵambetov barsha áıelder qaýymyn kóktem merekesimen quttyqtady.
Sondaı-aq osy merekelik sharaǵa qatysqan Úkimet músheleri de ózderiniń quttyqtaýlaryn arnady.
Kontsert baǵdarlamasynda QR halyq ártisi Álibek Dinishev, Lakı Kesoglý, Qazaqstannyń eńbek sińirgen qaıratkeri Medeý Arynbaev, «ıAlla» ansambliniń ánshisi Farýh Zakırov, sondaı-aq halyqarlyq baıqaýlardyń laýreaty Azamat Jyltyrkózov pen Igor Blagodarnyı óner kórsetti. Keshte Abaıdyń «Aıttym sálem, qalamqas», D. Týhmanovtyń «Sıboneı», «Klavelıtos», Sh. Qaldaıaqovtyń «Baqyt qushaǵynda» jáne «Ana týraly jyr», Q. Shildebaevtyń «Jan ana», taǵy basqa ánder oryndaldy.
