Elbasy: EKSPO-da tanystyrylǵan tehnologııalardy qoldanysqa engizý qajet

ASTANA. QazAqparat - QR Prezıdenti Nursultan Nazarbaev EKSPO tehnologııalaryn elimizde engizilý jumystaryna baılanysty syn aıtty, dep habarlaıdy QazAqparat tilshisi.

«Biz «EKSPO-2017» halyqaralyq kórmesin ótkizdik. Sonda balamaly energetıkaǵa arnalǵan 140 ǵylymı joba tanystyryldy. Eki aı ótip edi, EKSPO-ny ótkizgenimizdi umyta bastaǵan sııaqtymyz. Birden aıtaıyn, men ony umytpaımyn. EKSPO-ny ne úshin ótkizdik? Qyrýar jumysty ne úshin jasadyq? Biz álemniń balamaly energetıka salasyndaǵy tájirıbelermen tanysýdy kózdedik. Qatysýshylar da keldi, óz tájirıbesin kórsetti. Bul baǵyttarda mindetter qoıyldy. Biz bolsaq, kelesi betti aýdaryp, EKSPO-ny jaba saldyq», - dedi Nursultan Nazarbaev búgin jalpyulttyq telekópir kezinde.

Memleket basshysy EKSPO-da tanystyrylǵan tehnologııalardy júıeli túrde qoldanysqa engizý qajettigin jetkizdi. Osyǵan baılanysty naqty jospardyń da bolǵany jón.

«Shetelge baryp, ol tehnologııalardyń qalaı jumys istep jatqanyn kórip sosyn óz jerimizde iske qosýymyz qajet. Osy jumysqa tolyǵymen Úkimet jaýapty», - dep atap kórsetti Prezıdent.