Elbasy: Ekonomıkanyń quldyraýyna jol bermedik
ASTANA. QazAqparat - Memleket mindettemeleri múltiksiz oryndalýy tıis. Búgin Aqordada ótip jatqan Úkimettiń keńeıtilgen otyrysynda Elbasy Nursultan Nazarbaev osylaı dedi.
«Ekonomıkanyń quldyraýyna jol bergen joqpyz. Oń ózgerister bar. Investıtsııalar 6 paıyzdan astamǵa ósti. Jumyssyzdyq 5 paıyz deńgeıinde saqtalyp qaldy. Jańa mınıstrlerdiń baıandamasynan bárin estidińizder», - dedi Elbasy.
Osy rette Memleket basshysy bıýdjet qyzmetkerleriniń jalaqysy - 30, járdemaqylar 25 paıyzǵa óskenin, zeınataqy 9 paıyzǵa ındektsııalanǵanyn atap ótti. 673 myń adamnyń áleýmettik járdemaqysy artqanyn aıtty.
«Qazaqstanda jyl saıyn 400 myń sábı dúnıege keledi. Olarǵa da kómek jasatyp otyrmyz. ıAǵnı, atap ótkenimdeı, memleket mindettemeleri múltiksiz oryndalýy tıis, olar oryndalyp ta jatyr. Munan ary da dál osylaı qoldaý jalǵasa beretin bolady. Aǵymdaǵy jyly densaýlyq saqtaý salasynda 1 trln. teńge bólindi. Bul daǵdarys qubylysyna qaramastan ótken jylmen salystyrǵanda 17 paıyzǵa artyq», - dedi QR Prezıdenti.
Sonymen qatar N.Nazarbaev bilim berý salasyna bıyl 1,63 trln. teńge bólingenin atap ótti.
