Elbasy: EAEO ortaq naryq pen kedergisiz keńistik qalyptastyrýdy jalǵastyrýy kerek
Otyrysta Joǵary Eýrazııalyq ekonomıkalyq keńestiń Qurmetti tóraǵasy Nursultan Nazarbaev Ózbekstan men Kýba respýblıkalaryna Eýrazııa ekonomıkalyq odaǵy janyndaǵy baqylaýshy memleket mártebesin berý arqyly birlestiktiń geografııalyq aýqymyn keńeıtýdiń kelesi kezeńiniń mańyzyn atap ótti.
– Biz jumysty odan ári kúsheıtip, odaqtyń ózge eldermen jáne ıntegratsııalyq birlestiktermen ózara yqpaldastyǵyn jalǵastyrýymyz kerek, – dedi Elbasy.
Qazaqstannyń Tuńǵysh Prezıdenti Eýrazııalyq ekonomıkalyq odaqqa múshe elder arasynda COVID-19 pandemııasyna qarsy kúreste ózara gýmanıtarlyq kómek almasýdaǵy yntymaqtastyqtyń deńgeıi joǵary ekenin atap ótti.
– Birlesken is-sharalar daǵdarys saldaryn eńserýge jáne odaqtyń damýyn joǵary deńgeıge kóterýge septigin tıgizedi dep senemin, – dedi Joǵary Eýrazııalyq ekonomıkalyq keńestiń Qurmetti tóraǵasy.
Nursultan Nazarbaev odaq ekonomıkasyn odan ári damytý, onyń ishinde álemdik óndiris pen saýda joldaryn tartý úshin zor áleýet bar ekenin atap ótti.
Joǵary Eýrazııalyq ekonomıkalyq keńestiń Qurmetti tóraǵasy qazirgi jaǵdaıda birlese damýdyń birneshe baǵytyn usyndy.
– Odaq elderiniń óndiristik áleýetin ıntegratsııalaý qarqynyn jedeldetý kerek. Sondaı-aq Eýrazııalyq ekonomıkalyq odaq aýmaǵynda jáne odan tys jerlerde de saýda kólemin ulǵaıtý qajet. Sonymen qatar bizdiń birlestigimiz tsıfrlandyrylǵan belsendi platformaǵa aınalýǵa tıis. Bul odaqqa múshe elderdiń ekonomıkalyq qarym-qatynastaryna oń áserin tıgizedi, – dedi Elbasy.
Qazaqstannyń Tuńǵysh Prezıdenti odaqtyń ortaq naryǵyn qurý jáne kedergisiz keńistik qalyptastyrý jumystaryn jalǵastyrýdyń mańyzdylyǵyn atap ótti.
– Biz birlese otyryp, Eýrazııalyq ekonomıkalyq odaqty odan da kúshti jáne básekege qabiletti ete alatynymyzǵa senimdimin. Ortaq naryq pen kedergisiz keńistik qalyptastyrý jumysyn jalǵastyrý kerek, – dedi Nursultan Nazarbaev.
Sońynda Joǵary Eýrazııalyq ekonomıkalyq keńestiń Qurmetti tóraǵasy búgingi otyrys qorytyndysy boıynsha barlyq tarap úshin ózara tıimdi sheshimder qabyldaýǵa bolatynyna senim bildirdi.