Elbasy degen eken... nemese Qazaqstan Prezıdentiniń 7 ázili
1) Temirtaý qalalyq tarıhı-aımaqtyq mýzeıdiń dırektory Natalıa Skorıkovanyń Nursultan Ábishulyna: «Sizge 8 mıllıon áıel ǵashyq!» degeni bar.
Nursultan Ábishuly da tyń maqtaýǵa tosylyp qalmaı: «Onda Súleımen Sultan demala tursyn» degen eken. (2015 jyldyń 24 sáýirinde Qazaqstan halqy Assambleıasynyń HHІІ sessııasynda aıtylǵan sóz).
2) Nursultan Nazarbaev AQSh-qa issapary barysynda Amerıkanyń prezıdenti Djordj Ýoker Býshqa kirmeı turyp, onyń ákesi Amerıkanyń 41-shi prezıdenti Djordj Gerbert Ýoker Býshqa bas suǵady. Nursultan Nazarbaev ardager saıasatkerdiń úıinde bir tún qonaq bolyp, ertesinde oıansa Djordj Gerbert teńiz jaǵasynda otyrǵan eken. Nursultan Ábishuly sol jolǵy sapardy bylaısha eske alady: «Ol maǵan «Sen qazir Vashıngtonǵa barasyń. Onda resmı saparyń, jumysyń bastalady. Múmkin maǵan qoıar saýalyń bolar?» dep surady. Men eshqandaı saýaldyń joqtyǵyn, tek eski dosyma qonaqqa kelgenimdi aıttym. Djordj Gerbert «Eldiń kóbi men onyń ákesi bolǵanymdyqtan, qolyma taıaq alyp, ony Aq úı aınala qýyp júredi» dep oılaıtyn shyǵar. Al men qazir tek Amerıkanyń qarapaıym azamatymyn. Dese de, bir sharýańa kómektese alamyn. Sen Aq úıge kirgen kezde oǵan 41-prezıdent aldaǵy senbide 43-prezıdenttiń ákesiniń kim ekenin tanytatynyn aıt», - dedi».
Nazarbaev «yńǵaısyzdaý bolady ǵoı» degenine qaramastan, Djordj Býshtyń ákesi «sózimdi qaz-qalpynda jetkiz. Sodan keıin aralaryńda jaıly ahýal qalyptasady» degeninen taımapty.
Aqyry, bári de úlken Djordj Býshtyń aıtqanyndaı bolady. Nursultan Ábishulynyń aýzynan ákesiniń sózbe-sóz sálemin tyńdaǵan AQSh prezıdenti Djordj Býsh qarqyldap kúlip jibergen eken.
3) Tatarstan prezıdenti Rýstam Mınnıhanov: «Bizdiń delegatsııa óte joǵary deńgeıde Sabantoıdy ótkizdi. Sizge rahmet! Qazaqstanda bizdiń 220 myń tatar ómir súretinin bilemiz...» deı bergende Nursultan Ábishuly: «Olar sizdiń emes, bizdiń tatarlar!» dep ázilmen bir-aq kesipti.
4) Bizdiń Úkimet tolyq qurammen Jańa jyldy Úkimet úıinde qarsy alǵaly otyr. Óıtkeni: «Jańa jyldy qaıda qarsy alsań, bir jyl boıy týra sol orynda qalasyń» degen yrym bar (Nursultan Nazarbaevtyń 2016 jyldyń 29 jeltoqsanynda Astanada ótken jańajyldyq balda sóılegen sózi).
5) Ádilbek Jaqsybekov: «Alǵashqy jyldary Astanada Nursultan Nazarbaev janar-jaǵarmaı beketin ashýdy tapsyrdy. Munaı kompanııalarynyń basshylarynyń bárin jınap aldy da «Tym bolmaǵanda janar-jaǵarmaı beketin ashyńdar» dep tapsyrma berdi. Kásipkerler ashty».
Nursultan Nazarbaev: «Óıtkeni, qala qap-qarańǵy edi. Al janar-jaǵarmaı beketi árdaıym solardyń esebimen jaryqtandyrylatyn. Barlyq jerde bekettiń bary - qalany jaryqtandyrý máselesin de sheshetin edi».
6) Nazarbaev 2014 jyly Pavlodar oblysynyń qymyz óndiretin shaǵyn zaýytyna bas suǵady. Zaýyttyń basshysy áıel eken. Elbasymen tuńǵysh kezdesip turǵandyqtan, azdap tolqyp ketse kerek: «Táýligine bir tonna qymyz óndiremiz. Sizdiń shaǵyn jáne orta bıznesti damytýǵa qosqan qoldaý men kómek kórsetip jatqanyńyzǵa shyn kóńilimmen rahmet aıtamyn. Sizge qarap kóńilim jaı» dep úninde diril paıda bolady. Kásipkerdiń sózin ilip áketken Nursultan Ábishuly «Sózińizge qarap qymyz ishkimiz kelip ketti ǵoı» dep aınalany dý kúldiripti.
7) «Jýyrda menen sheteldik sarapshylar «Almatyda qar jaýmaı qalsa qaıtemiz» dep surap jatyr. Men erkin ǵana «Astanadan ákelemiz» dep jaýap berdim. Qudaıǵa shúkir, Almatyda qazir qar jetkilikti». (Almaty, 2017 jyldyń 29 qańtary, Búkilálemdik qysqy Ýnıversıadanyń ashylýynda sóılegen sózi).