Elbasy: Dári-dármekterge qatysty problemalar ýaqytyly sheshilýi tıis - Úkimet otyrysy
ASTANA. 27 qańtar. QazAqparat /Marlan Jıembaı/ - Dári-dármekterge qatysty problemalar ýaqytyly sheshilýi tıis. Bul týraly búgin Úkimet otyrysynda Qazaqstan Prezıdenti Nursultan Nazarbaev aıtty.
«Halyqty dári-dármekpen qamtamasyz etýge baılanysty, ásirese, qıyn aýrýlar boıynsha problema jyldan-jylǵa qaıtalanyp otyrady. Aǵymdaǵy jyly «V», «S» gepatıtterine shaldyqqandarǵa dári-dármekter jetkizý kelisimsharty aıtarlyqtaı keshiktirilip jasaldy»,-dedi Elbasy.
Osy rette, memlekettik mekemelerdiń josparlaý júıesine kim nemese ne kedergi keltirip otyrǵandyǵyn aıtyp, Densaýlyq saqtaý mınıstrin synaǵan Elbasy, dári-dármekke qajetti aqshanyń bar ekendigin, tek der ýaqytynda kelisimshart jasasý qajettigin basa aıtty.
