12:29, 14 Shilde 2016 | GMT +5
Elbasy D.Kemerondy EKSPO - 2017 kórmesiniń qurmetti qonaǵy bolýǵa shaqyrdy
ASTANA. QazAqparat - Memleket basshysy Nursultan Nazarbaev Devıd Kemeronǵa onyń Ulybrıtanııa jáne Soltústik Irlandııa Birikken Koroldiginiń Premer-mınıstri qyzmetiniń aıaqtalýyna baılanysty jedelhat joldady, dep habarlaıdy Aqordanyń baspasóz qyzmeti.
Elbasy jedelhatta D.Kemeronǵa Astana men London arasyndaǵy baılanystardy jan-jaqty nyǵaıtýǵa zor úles qosqany úshin alǵys bildirdi.
Memleket basshysy sondaı-aq D.Kemerondy 2017 jyly Astanada ótetin EKSPO halyqaralyq kórmesiniń qurmetti qonaǵy bolýǵa shaqyrdy.
Sońynda Nursultan Nazarbaev Ulybrıtanııa eks-Premer-mınıstri D.Kemeronǵa zor densaýlyq, baq-bereke tiledi.