Elbasy tsıfrlyq texnologııalarǵa negizgi basymdyq berip otyr - sarapshy
«Prezıdent atap ketken on negizgi basymdyqtyń túıini, ol - tsıfrlyq dáýirdiń bolatyny. Tsıfrlyq texnologııalar barlyq salalarda bolady. Memlekettik basqarý bolsyn, ekonomıka, áleýmettik sala, agroónerkásip, óndiris - barlyǵynda texnologııalardyń basymdyǵy bolady degen sóz. Qazirgi kezde tórtinshi ónerkásiptik revolıýtsııa bastaldy. Álem elderi tsıfrlyq texnologııalarǵa bet aldy», - dedi áleýmettik-saıası zertteýler bóliminiń basshysy Alýa Joldybalına QazAqparat tilshisine bergen suxbatynda.
Osy oraıda sarapshy aqparattyq texnologııalardy memlekettik basqarý salasyna engizý máselesine basa nazar aýdardy. Sonyń nátıjesinde memlekettik basqarýdyń sapasyn arttyrýǵa bolady.
«Budan bólek, tsıfrlyq texnologııalar bıliktiń ashyqtyǵyn, ıaǵnı qabyldanyp jatqan sheshimderdiń ashyqtyǵyn qamtamasyz etedi. Halyq pikirtalasqa qatysyp, óz usynystaryn jasaı alady. Memlekettik sheshimder qabyldanǵanda xalyqtyń pikiri eskeriledi. Máselen, bizdegi elektrondy úkimet - tsıfrlyq dáýirdiń bir kórinisi. Qazirgi kezde biz anyqtamanyń bárin elektrondy júıe arqyly alamyz. Al "ashyq dıalog" arqyly mınıstrlerge suraq qoıyp, san alýan máselelerdi talqylaımyz. Bunyń barlyǵy memlekettik basqarýdyń birtindep tsıfrlyq texnologııalarǵa aýysyp jatqanyn kórsetedi», - dedi A.Joldybalına.
Onyń aıtýynsha, tsıfrlyq texnologııalardy engizý salasyndaǵy sharalar ary qaraı jalǵasa beredi. Endigi kezekte aımaqtarda aqparattyq texnologııalardy keńinen damytý qajet. Sonyń arqasynda ákimderdiń jumysyn basqarýǵa ǵana emes, jergilikti jerde atqarylyp jatqan sharýalardy da baqylaýǵa bolady.
«Prezıdenttiń negizgi túıini sol, qazirgi kezde kez kelgen salany tsıfrlyq texnologııalardyń negizinde damytý qajet. Sonyń arqasynda jumystyń sapasy artady», - deıdi sarapshy.
Aıta keteıik, búgin Prezıdent Joldaýdyń negizgi máselelerin túsindirdi. Erteń atalǵan qujattyń tolyq nusqasy respýblıkalyq basylymdarda jarııalanady.
