Elbasy tsıfrlandyrýǵa qatysty Asqar Jumaǵalıevke tapsyrma berdi
"ІT-mamandardy daıarlaý boıynsha "Nur Otan" tarapynan qolǵa alynǵan bastama der kezinde jasalyp otyr. Bul sharalar "Tsıfrlyq Qazaqstan" úshin adamı kapıtaldy daıarlaý tapsyrmasymen jaqsy úılesip otyr. Búginde bul baǵyttaǵy sharalarǵa barlyq jergilikti atqarýshy organdar jumyldyrylǵan. Bıyl ákimdiktermen birlese 500 myńǵa jýyq adamdy oqytamyz", - dep toqtaldy Jumaǵalıev.
Osy oraıda ol partııa tarapynan "Tsıfrlyq Qazaqstan" baǵdarlamasyn qoldaǵandyǵy qosymsha demeý bolyp otyrǵanyn, óz kezeginde Úkimet barlyq bastamalardy qoldaýdy jalǵastyratynyn atap ótti.
Óz kezeginde Memleket basshysy Nursultan Nazarbaev barsha Qazaqstandy tsıfrlandyrý ıdeıasyna jumyldyrý qajettigin atap ótti.
"Máýlen Áshimbaev ("Nur Otan" partııasy Tóraǵasynyń birinshi orynbasary) partııanyń tsıfrlyq saladaǵy jumystaryn baıandap berdi. Osy baǵyttaǵy sharalardy iske asyrý úshin birlesip jumys isteıtin bolasyz. Biz barsha Qazaqstandy bul ıdeıaǵa nazar aýdartýymyz kerek. Bunyń barlyǵy bekerge aıtylyp turǵan joq, iske asyratyn mezgil jetti", - dedi Elbasy QR Premer-Mınıstriniń orynbasary Asqar Jumaǵalıevke qaratyp aıtqan sózinde.
Prezıdent bul salany ilgeriletýge, jobalardy ázirleýge qaýqarly talantty adamdardy anyqtap, irikteýge nazar aýdarý qajettigin tapsyrdy.
Budan buryn habarlanǵandaı, "Nur Otan" partııasy Tóraǵasynyń birinshi orynbasary Máýlen Áshimbaev partııanyń qazirgi ýaqytta tsıfrlyq salany damytý jobalary týraly aıtyp berdi.
