Elbasy: Búldirshinder 2014-2015 jyly 70, al 2020 jyly 100 paıyz balabaqshamen qamtylady
ASTANA. 5 qyrkúıek. QazAqparat - Búldirshinder 2014-2015 jyly 70, al 2020 jyly 100 paıyz balabaqshamen qamtylady. Bul týraly búgin Nazarbaev Ýnıversıtetinde ınteraktıvtik dáris oqyǵan Memleket basshysy Nursultan Nazarbaev ózine qoıylǵan saýalǵa oraı aıtty.
Qyzylordalyq ata-analar atynan Elbasyna saýal qoıǵan Mıra Myrzaǵulova óńirde bala týý sanynyń artýyna baılanysty balabaqshamen qamtý jaıy qalaı bolatyndyǵyn surady.
Óz sózin Ahmet Baıtursynulynyń «Balam degen el bolmasa, elim degen bala qaıdan shyǵady?» degen ulaǵatty sózimen bastaǵan Memleket basshysy: «Az ýaqyttyń ishinde Qazaqstannyń 65 myń búldirshini balabaqshaǵa baratyn boldy. Bizdiń baǵdarlama boıynsha 2014-2015 jyly 70 paıyz, 2020 jyly 100 paıyz búldirshinder balabaqshaǵa barady degen jospar bar. Birinshiden, balalardyń jas kezinen tálim-tárbıe alyp, ujymda ósýine múmkinshilik jasalady. Ekinshiden, ata-analaryna jumys istep, otbasynyń ál-aýqatyn kóterýge jaǵdaı jasaıdy», - dedi.
