Elbasy bul qıyndyqtan birlik pen tártip alyp shyǵatynyn aıtty – Beısenbaı Tájibaev
Beısenbaı Tájibaevtyń sózinshe, QR Tuńǵysh Prezıdenti N.Nazarbaev maqalasynda san qıly statıstıkaǵa toqtalmaı, strategııalyq baǵyttarǵa asa mán bergen. Bastysy, memlekettiń halyqpen birge ekenin uǵyndyra bilgen.
«Elbasy bul qıyndyqtan birlik, tártip jáne bolashaqqa degen senim alyp shyǵatynyn aıtty. Memleket tarapynan koronavırýstyń aldyn-alý boıynsha jedel ári sapaly jumystar qolǵa alynǵanyna atap ótti. «Ár mınıstr, árbir oblys, qala jáne aýdan basshylary júıemen, tártippen, úılesimmen, naqty josparmen, nyq senimmen áreket etip, ýaqytsha qıyndyqtan shyǵýǵa barlyq kúsh-qýatty jumyldyrýy qajet. «Nur Otan» partııasynyń músheleri de osy bir saýapty istiń aldyńǵy qatarynan tabylýǵa tıis», – dedi Elbasy. Bul rette Túrkistan oblysynda saqtyq sharalary kúsheıtilgenin, oblys ákimi Ómirzaq Shókeevtiń bastamasymen naqty jumystar atqarylyp jatqanyn aıta ketken jón»,- dedi «Nur Otan» partııasy Túrkistan oblystyq fılıaly tóraǵasynyń birinshi orynbasary.
Beısenbaı Tájibaevtyń aıtýynsha, óńirde Elbasy bastamasymen «Nur Otan» partııasy qolǵa alǵan «Biz birgemiz!» aktsııasy arqyly 3 myńnan astam otbasyǵa azyq-túlik jáne gıgıenalyq zattar jetkizilgen. «Túrkistan» áleýmettik-korporatıvtik damý qorynda el kásipkerleri aıryqsha úles qosyp, janashyrlyq tanytýda. Memlekettik qyzmetkerler de bir kúndik jalaqylaryn aýdarǵan. Osy qoldaýlardyń nátıjesinde áleýmettik az qamtylǵan kópbalaly otbasylarǵa, tyl ardagerleri men jalǵyzbasty qarııalarǵa, múmkindigi shekteýli jandarǵa turaqty túrde kómekter berilip otyr. Sondaı-aq, jekelegen demeýshiler de aktsııa aıasynda qarapaıym halyqqa barynsha kómektesýde.
«Elbasy Úndeýinen keıin qurylǵan respýblıkalyq «Birgemiz» qory arqyly elimizdegi eń iri 23 qaladaǵy 150 myńnan astam turǵynǵa 50 myń teńgeden kómek beriledi. Bul sanatqa Túrkistan qalasy da enip otyr. Oblys ortalyǵynda 4903 otbasy partııanyń úılestirýi arqyly qarjylaı kómekke ıe bolmaq. Búgingi maqalasynda Ult Kóshbasshysy boıkúıezdikten, saryýaıymnan, enjarlyqtan arylyp, tyǵyryqtan shyǵýdyń jolyn izdep, shyńdala túsýimiz kerek ekenin aıtty. Qıyn kezeńde elge demeý bolyp, jurtshylyqty indetke, daǵdarysqa qarsy kúreske jumyldyrýǵa úles qosyp jatqan Elbasynyń bul áreketi – Otanǵa degen súıispenshilik pen perzenttik paryzǵa adaldyq. Elbasy qazaqstandyqtardy Prezıdent Qasym-Jomart Toqaevtyń bastamalaryna qoldaý bildirip, tapsyrmalaryn sapaly júzege asyrý kerektigine únemi mán berip keledi. Eń bastysy, memleket árbir azamattyń qaýipsizdigine, damýyna qoldaý kórsetýdi jalǵastyrady. Tótenshe jaǵdaıdaǵy erejeni qatań saqtap, judyryqtaı jumylyp, birligimizdi saqtaı bilsek, bul tyǵyryqtan da shyǵamyz»,- deıdi Beısenbaı Tájibaev.