Elbasy Brazılııa prezıdentine kóńil aıtty

ASTANA. QazAqparat - Qazaqstan Prezıdenti Brazılııa Federatıvtik Respýblıkasynyń Prezıdenti Mıshel Temerge kóńil aıtý jedelhatyn joldady, dep habarlaıdy Aqordanyń baspasóz qyzmeti.

Jedelhatta Kolýmbııa Respýblıkasynyń áýe keńistiginde bolǵan ushaq apaty saldarynan Brazılııa azamattarynyń qaza bolǵany týraly habardy Nursultan Nazarbaevtyń zor kúızelispen qabyldaǵany aıtylǵan.

«Qaza bolǵandardyń týystary men jaqyndaryna, sondaı-aq barsha Brazılııa halqyna aýyr qaıǵylaryna ortaqtasyp, Qazaqstan halqynyń jáne jeke ózimniń atymnan kóńil aıtamyn», - delingen jedelhatta.

Memleket basshysy zardap shekkenderdiń tezirek saýyǵyp, otbasylaryna oralýyna tilektestik bildirdi.