Elbasy: Biz kedeı emes, baı adamdar ómir súretin memleket qalyptastyryp jatyrmyz
Sóz arasynda Memleket basshysy Qazaqstan halqy Assambleıasynyń qyzmetinde jańa fýnktsıonaldyq baǵyt qoldaý tapqanyn jetkizdi. «Birinshiden, bul - qaıyrymdylyq. Qaıyrymdylyq týraly jańa zańda QHA-nyń bas úılestirýshi retindegi qyzmeti bekitilgen. Bizdiń tarıhymyzda alǵash ret metsenattar men donorlardyń, qaıyrymdylyq uıymdarynyń sezi bolyp ótti. Buny jalǵastyrýymyz kerek, óıtkeni bizdiń kóptegen izgi azamattarymyz qaıyrymdylyq qorlaryna qarajat aýdaryp júr», - dedi Elbasy.
Sonymen qatar, Prezıdent «Úlken memleket-úlken otbasy» aktsııasy aıasynda byltyrǵy jyly 400 myń qazaqstandyqqa qaıyrymdylyq kómek berilgenin atap ótti. Balalar úıiniń 7800 tárbıelenýshisi úshin 5 mln. teńgege shot ashylǵan.
«Bul endigi kúni Assambleıanyń jumysyna aınalyp otyr», - dedi N. Nazarbaev.