Elbasy: Biz bolashaǵymyzdyń jarqyn bolǵanyn kórgimiz keledi - respýblıkalyq basylymdarǵa sholý

***

«Jańa onjyldyq - jańa ekonomıkalyq órleý - Qazaqstannyń jańa múmkindikteri» degen taqyryppen Qazaqstan Respýblıkasynyń Prezıdenti N.Á.Nazarbaevtyń Qazaqstan halqyna Joldaýy qańtardyń 30-ynda jaryq kórgen barlyq merzimdi basylymdarda, atap aıtqanda, «Egemen Qazaqstan», «Aıqyn», «Astana aqshamy», «Alash aınasy», «Kazahstanskaıa pravda», «Lıter», «Vechernıaıa Astana» gazetterinde jarııalandy.

Keshe tústen keıin «Nur Otan» halyqtyq-demokratııalyq partııasynyń bıýro otyrysy bolyp ótti. Oǵan el Prezıdenti, partııanyń kóshbasshysy Nursultan Nazarbaev qatysty. Bul otyrysta bıýro múshelerimen qatar, Prezıdent Ákimshiliginiń jaýapty qyzmetkerleri, Úkimet músheleri, oblystardyń jáne Astana men Almaty qalalarynyń ákimderi bas qosty. Onyń kún tártibine Memleket basshysynyń osy kúni halyqqa joldaǵan «Jańa onjyldyq - jańa ekonomıkalyq órleý - Qazaqstannyń jańa múmkindikteri» atty Joldaýyn júzege asyrý jónindegi «Nur Otan» partııasyna júktelgen tapsyrmalardy talqylaý máselesi engizildi. Osyǵan oraı «Egemen Qazaqstan» gazetiniń búgingi sanynda «Joldaýǵa sáıkes jańa mindetter aıqyndaldy» degen taqyryppen maqala jarııalandy. Onda «Osy otyrysta aıtylǵan pikirler men eskertpelerdi esepke ala otyryp, Premer-Mınıstrge erteń Úkimet otyrysynda Joldaýdy júzege asyrýdyń Jalpyulttyq josparyn qarap, elimizdiń damýynyń 2020 jylǵa deıingi strategııasyn júzege asyrý sharalaryn bekitýdi tapsyramyn», degen Elbasynyń sózi keltirilgen.

Elimizdiń basty saıası partııasynda ótken alqaly jıyn jaıynda egjeı-tegjeıli jazylǵan maqalalardy «Alash aınasy», «Aıqyn», «Kazahstanskaıa pravda», «Lıter» gazetterinen de oqı alasyzdar.

El gazeti «Egemen Qazaqstanda» «Qazaqstan - 2020. bolashaqqa birge baramyz» degen taqyryppen Qazaqstan Respýblıkasynyń Premer-Mınıstri Kárim Másimovtiń maqalasy berildi. «Elbasynyń Qazaqstan halqyna óziniń jyl saıynǵy Joldaýyn arnaıtyn kún árqashan da elimizdiń qoǵamdyq ómirinde basty oqıǵa bolyp tabylady. Bul - jańa kezeń bastaýy. Bul - jańa josparlar. Bul - jańa mindetter. Bul - jańa úmitter. Bul - jańa jetistikterge umtylys. Búgingi Joldaýdyń mańyzy erekshe. Olaı deıtinimiz, Elbasymyz bizge jahandyq ekonomıkalyq jáne saıası yqpaldardyń qaıta bólisi men tarıhı kezeńder almasýynyń kúrdeli bir sátinde Qazaqstannyń 10 jyldyq damý baǵdarlamasyn usyndy», deıdi Úkimet basshysy.

«Egemen Qazaqstan» gazetiniń búgingi nómirinde Memleket basshysynyń Joldaýyna oraı jedel únqosýlar toptamasy da berilip otyr. Joldaýǵa oraı únqosýlardan Úkimet músheleriniń, Parlament depýtattarynyń, oblys ákimderiniń, jurtshylyqtyń pikirlerin bile alasyzdar.

Sonymen qatar «Egemen Qazaqstan» gazetinde Qazaqstan halqy Assambleıasynyń joldaýdyń negizgi erejelerin talqylap, el azamattaryna joldaǵan úndeýi de berilgen. «Memleket basshysynyń búkil halyqqa arnalǵan qundylyqtar negizinde ulttyq strategııa ázirleý qajettiligi týraly ún tastaýy erekshe nazar aýdartady. Olar:

- Otan jáne táýelsizdik;

- eshbir azamat óziniń jeke is-áreketi arqyly memlekettiń damý múddelerine nusqan keltirmeýi tıis;

- árbir azamattyń ekonomıkalyq órleýge qatystylyǵy;

- aımaqtyq jáne álemdik rynokqa yqpaldasý.

Qazaqstan halqy Assambleıasy halyq birligin, bizdiń ortaq úıimiz - Qazaqstandaǵy beıbitshilik pen kelisimdi qamtamasyz etýshi kúsh, memlekettik ulttyq saıasattyń basty uıystyrýshy quraly retinde qazaq halqynyń mádenıeti, tarıhy men tilin damytý týraly Memleket basshysy alǵa qoıǵan maqsattardy qýattap, tolyqtaı qoldaıdy», delingen atalǵan úndeýde.

***

«Aıqyn» gazetiniń senbilik sanynda Elbasynyń «Jańa on jyldyq - jańa ekonomıkalyq órleý - Qazaqstannyń jańa múmkindikteri» atty Joldaýyna oraı únqosýlar toptamasy jarııalanǵan. Máselen, Eńbek jáne halyqty áleýmettik qorǵaý mınıstri G.Ábdiqalyqova «Búgingi Joldaýdy el, sonyń ishinde, ásirese memlekettik qyzmetkerler men bıýdjettik sala qyzmetkerleri qýana qarsy alsa kerek, óıtkeni olardyń aılyq tabysy sáýir aıynan bastap 25 paıyzǵa kóteriletin boldy», dese, Densaýlyq saqtaý mınıstri J.Dosqalıev «Menińshe, búgin bizdiń bárimiz Memleket basshysynyń densaýlyq saqtaý salasynyń 2020 jylǵa deıingi jáne aldaǵy 5 jyldyqtaǵy damý strategııasyn aıqyndap bergendiginiń kýási boldyq», depti.

Mundaı únqosýlar «Astana aqshamy», «Alash aınasy» gazetterinde de jarııalanǵan.

***

«Arab tilin jetik bilgen Abaı «Alla» deıdi, biraq bizdiń búgingi «myqtylar» til tabıǵılyǵyn mensinbeı «Allah» degendi shyǵardy». Osy taqyryppen «Alash aınasy» gazetinde jaryq kórgen suhbat L.Gýmılev atyndaǵy Eýrazııa ulttyq ýnıversıtetiniń prorektory, fılologııa ǵylymynyń doktory, professor Dıhan Qamzabekulymen arada órbigen.

Ulttyq kásibı jumysshy tabyn qalyptastyrýdaǵy qadamdarymyz kóńil kónshiterlik pe? «Alash aınasy» gazetiniń osy saýalyna ekonomıka ǵylymynyń doktory, professor Jumadil Baıǵunshekov pen tehnıka ǵylymynyń doktory, professor Toqtamys Meńdibaev jaýap bergen. Ǵalymdardyń «ııa» jáne «joq» degen jaýaptaryn basylymnyń senbilik nómirinen oqı alasyzdar.

***

Elimizde biryńǵaı ulttyq densaýlyq saqtaý júıesiniń engizilgenine 1 aıǵa jýyqtady. Bul jańa bstamanyń qanshalyqty tıimdi nemese qandaı shıki tustary bar ekenin anyqtaýǵa jeterlik ýaqyt. Osy oraıda «Astana aqshamy» gazeti Astana qalalyq densaýlyq saqtaý basqarmasynyń bastyǵy Dáýlethan Esimovpen suhbattasqan. Ekeýara áńgime barysynda aıtylǵan jaıttardyń egjeı-tegjeıin basylymnyń búgingi sanynda jaryq kórgen «Jańa júıe jónsizdiktiń jolyn kesedi» degen maqaladan oqı alasyzdar.

***

«Lıter» gazetiniń jazýynsha, Oralda Qazaqstan men Reseıdiń jetekshi partııalary - «Nur Otan» HDP men «Birtutas Reseı» partııasynyń ókilderi kezdesken. Partııalardyń oblystyq fılıaldary basshylary Kedendik odaq jumystaryn talqyǵa salǵan.

«Bolashaq» prezıdenttik baǵdarlamasynyń eń jas ıegeri Marııa Mýdrıak Apennındegi iri mýzykanyń telearnalyq konkýrsynyń jeńimpazy atandy», dep jazady «Ekspress K» gazeti. «Rai Uno» telearnasy arqyly tikeleı efırden kórsetiletin baıqaý - ıtalıan telearnasynyń basty mýzykalyq oqıǵasy. Oǵan álemge aty tanymal ánshiler ǵana qatysady.