Elbasy bıylǵy sáýirden bastap zeınetaqy, shákirtaqy jáne járdemaqy kólemin arttyrýdy tapsyrdy
ASTANA. QazAqparat - Búgin Aqordada ótken QR Úkimetiniń keńeıtilgen otyrysynda Elbasy Nursultan Nazarbaev áleýmettik turǵydaǵy damý shyǵystary tolyq júz paıyzdyq kólemde oryndalatynyn atap ótti.
«Jyl basynan beri ulǵaıǵanyn eskerip, bıylǵy 1 sáýirden bastap, zeınetaqy tólemderiniń ósim kólemin 14 paıyzǵa deıin jetkizýdi tapsyramyn, al memlekettik járdemaqy tólemderi 12 paıyzǵa jetkizilsin», - dedi N.Nazarbaev.
Sonymen qatar Memleket basshysy ataýly áleýmettik kómek kólemin 12 paıyzǵa jáne stýdentterdiń stıpendııasyn 10 paıyzǵa kóterý kerek ekenin atap ótti.
Prezıdent Úkimet fıskaldyq turaqtylyqty qamtamasyz etýi qajet ekenin, bıýdjetti taǵy qarastyryp, qajet bolǵan jaǵdaıda túzetýler engiziletinin jetkizdi.
«Tıimsiz shyǵystardy joıyńyzdar. Bizde bar barlyq rezevterdi iske qosyńyzdar. Qabyldanǵan áleýmettik mindetter, áleýmettik turǵyda damý shyǵystary tolyq júz paıyzdyq kólemde oryndalatynyn atap ótemin», - dep túıdi N. Nazarbaev.
