Elbasy belsendiler sanyn arttyrý úshin partııalyq qaıta órkendeýdi usyndy

NUR-SULTAN. QazAqparat – QR Tuńǵysh Prezıdenti – Elbasy Nursultan Nazarbaev «Nur Otan» partııasynyń belsendi múshelerin irikteýdi júktedi, dep habarlaıdy QazAqparat tilshisi.

«Partııa barynsha barlyq baǵdarlamalardy, «Nur Otan» partııasynyń saılaýaldy baǵdarlamasyn, saılanǵan Prezıdent Qasym-Jomart Kemeluly Toqaevtyń usynystaryn iske asyrýy kerek. Bizdiń partııa osyǵan jumylyp, oryndalý barysyn baqylap, Úkimetke ákimdermen birge óz oryndarynda esep berip, kúndelikti máselelerdi sheshýi tıis. Qol sermeı bermeńizder. Baǵdarlamalar men qarjylandyrý bar. Jumys isteńizder. Qoldaryńyzdan ne keletinin kórsetińizder. Demek, óńirlerde barynsha jumys júrgizip, árbir adammen júkti kóterisý kerek. Aldaǵy saılaýda belsendi ári laıyqty partııalastardy ortaǵa shyǵarý úshin jaǵdaı jasaý qajet«, - dedi Nursultan Nazarbaev «Nur Otan» partııasy Saıası keńesiniń keńeıtilgen otyrysynda.

Elbasynyń aıtýynsha, partııa quramynda qazirgi ýaqytta belsendi azamattar joq emes - bar, «biraq búgin ol jetkiliksiz bolyp tur».

«Búgin men júıeli túrde partııalyq qaıta órkendeýdi usynamyn. Onyń taqyryby – «Senim. Dıalog. Bolashaqqa senim. Partııanyń tıisti ımpýlstary». Birinshiden, partııanyń belsendi múshelelerin biriktirýi tıis. Olardy – «ıadrolyq» dep ataý kerek. ıAdrolyq degen – ıadrolyq bomba emes, belsendi músheler degen sóz. Kóshege shyǵyp, shyndyǵyn dáleldeı alatyndar. 800 myń partııalastyń ishinde kim ózin belsendi túrde kórsete alady? Shymkentte partııanyń týyn jyrtyp ketkende eshkim bylq etken joq. Bári otyrdy. Partııa qaıda boldy? Keıin ǵana qalpyna keltirildi. Mine, osy kezde belsendilik kórinýi kerek edi», - dedi Elbasy.