Elbasy bastamalaryna tireý bolǵan yntymaqty halqymyzdyń jeńisi
Osy tarıhı oqıǵaǵa qatysty «Aıqyn» gazetinde jarııalanǵan pikirlerdi oqyrman nazaryna usynamyz.
***
Asa qurmetti Nursultan Ábishuly!
Birikken Ulttar Uıymy - HHІ ǵasyrdaǵy adamzattyń saıası tarıhyn baısaldy, salıqaly jolda damýyna yqpal etýshi asa joǵarǵy álemdik uıym.
Qazaqstan Respýblıkasynyń BUU Qaýipsizdik Keńesiniń turaqty emes músheligine ótýi - elimizdiń halyqaralyq arenada kóptegen kúrmeýli máselelerdi sheshýdegi moderatorlyq deńgeıiniń jáne dıplomatııalyq jetistikteriniń asa joǵary ekendiginiń aıqyn dáleli.
Eń aldymen, bul Ult Kóshbasshysy retindegi Sizdiń eren eńbegińizdiń, halyqaralyq saıası arenadaǵy asa joǵary mártebeńizdiń nátıjesi dep bilemiz!
Sizdiń mańyzdy halyqaralyq sammıtterde syndarly baıandamalar jasaýyńyz, ásirese 2015 jylǵy jahandyq antııadrolyq sammıttegi bastamalaryńyz Qazaqstan pozıtsııasynyń basymdyǵyna ákelgeni sózsiz!
BUU QK múshelik elimizge jahandyq «kún tártibin» qalyptastyrýǵa tikeleı at salysýǵa múmkindik berip qana qoımaı, ortalyq-azııa aımaǵynyń kúrmeýli máselelerin sheshýge jol ashary anyq.
Búgingi Qazaq eliniń osy bir jetistikterge qol jetkizý tusynda «Aýyl» partııasy atynan Sizdi jáne barsha qazaqstandyqtardy syndarly tarıhı oqıǵamen quttyqtaımyz!
Eńbegińizge tabys tileımiz!
Asa qurmetpen,
«Aýyl» partııasynyń tóraǵasy Á.Bektaev
Qazaqstannyń Qaýipsizdik keńesiniń 2017-2018 jyldardaǵy turaqty emes músheligine saılanýyna baılanysty el prezıdenti Nursultan Nazarbaevty jáne barlyq qazaqstandyqtardy jýrnalıstik qaýymdastyq atynan quttyqtaımyz.
Elimiz úshin táýelsizdiktiń 25 jyldyq mereıtoıy - bizdiń memleketimiz úshin óte mańyzdy kezeń. Bul ekinshi jaǵynan, Qazaqstanǵa halyqaralyq qatynastarda mańyzdy quqyq beretin jarqyn kórinis. Sondyqtan da Qazaqstan bul mártebeli orynda álemdik arenadaǵy ózara túsinistik pen beıbitshilikti nyǵaıtýda laıyqty úles qosa alatynyna senemiz.
«Bas redaktorlar klýby» qoǵamdyq birlestigi
Qazaqstannyń Qaýipsizdik Keńesiniń 2017-2018 jyldardaǵy turaqty emes músheligine saılanýyna qatysty daýys berý nátıjesiniń jeńisin Qazaqstan áıelder qaýymy qýana qabyldady. Sondyqtan bul jaǵymdy jańalyqty sezine otyryp, biz memleket basshysy men barlyq qazaqstandyqtardy osynaý mereıli oqıǵamen quttyqtaımyz.
Biz eń aldymen, bul nátıjege Qazaqstan Prezıdenti Nursultan Nazarbaevtyń ishki jáne syrtqy saıasattaǵy zor úlesi men halyqaralyq abyroı, bedeliniń arqasynda jettik dep sanaımyz.
Táýelsizdiktiń 25 jyldyq mereıtoıy qarsańynda álemdik qoǵamdastyq bizdiń elimizdiń qysqa ýaqyt ishinde orasan zor jetistikke jetkenin baǵalaǵanynyń ózi óte qısyndy dep bilemiz.
«Qazaqstannyń áıel kásipkerleri odaǵy» qoǵamdyq birlestigi
Qazaqstan halqy assambleıasynyń ǵylymı-sarapshylar keńesi Ult kóshbasshysy, Qazaqstannyń birinshi Prezıdenti men el halqyn syrtqy saıasattaǵy beıbitshilik jáne saltanatty jeńisimen quttyqtaıdy.
2017 jyldyń 1 qańtarynan 2018 jyldyń 31 jeltoqsanyna deıin Qazaqstan Respýblıkasy Azııa-Tynyq muhıty memleketteri tobynyń atynan BUU saıası minberinde resmı túrde jarǵyǵa sáıkes ǵalamdyq qaýipsizdik pen beıbitshilikti qorǵaıtyn bolady.
Qazaqstannyń BUU-nyń qaýipsizdik keńesine turaqty emes múshe bolyp saılanýy memleket basshysynyń álemdik qaýymdastyq aldyndaǵy zor bedeli men álemdik bastamalardy kótergeni úshin berilgen baǵa dep bilemiz.
Bizdiń elimiz Elbasynyń basshylyǵymen halyqaralyq qatynastaǵy ózara senim men ǵalamdyq qaýipsizdik mıssııasyn abyroıly atqaratynyna bizdiń eshqandaı da kúmánimiz bolmaıdy.
Qazaqstan halqy assambleıasynyń ǵylymı-sarapshylar keńesi
«Aq jol» demokratııalyq partııasy Qazaqstan halqy men el Prezıdentin BUU qaýipsizdik keńesiniń turaqty emes múshesi bolyp saılanýymen quttyqtaıdy.
Bul - jas memlekettiń tarıhı jetistigi jáne Qazaqstan men Semeı ıadrolyq polıgonyn jaýyp, ıadrolyq qarýdan birinshi bolyp bas tartqan Ult kóshbasshysynyń jarqyn bedeliniń álemdik dárejede moıyndalýy.
Bizdiń memleketimizdiń BUU qaýipsizdik keńesiniń turaqty emes múshesi bolyp saılanýy óz kezeginde qazirgi tańda Taıaý Shyǵys, Parıj, Brıýssel, Ystambul, Aqtóbe qalalarynda oryn alǵan qandy oqıǵalardyń aldyn alyp, kún saıyn órship kele jatqan terrorlyq áreketter men «IGIL» lańkestik tobyn aýyzdyqtaý úshin ortaq shara qoldanýǵa jol ashady.
Birikken Ulttar Uıymy Qaýipsizdik Keńesiniń turaqty emes múshesi bolyp saılana otyryp, Qazaqstan eń aldymen jalpy adamzattyq qundylyqtardyń joqtaýshysy jáne halyqaralyq turaqtylyq pen beıbitshiliktiń jaqtaýshysyna aınalady. Bizdiń elimiz osy maqsattar jolynda tabandylyq tanytatynyna senimimiz mol.
«Aq jol» demokratııalyq partııasy
Anatolıı Bashmakov, QHA Keńesiniń múshesi, L.Gýmılev atyndaǵy EUÝ-dyń Qazaqstan halqy assambleıasy kafedrasynyń meńgerýshisi:
Qazaqstan - álemdik saıasat tarıhyndaǵy fenomen
Bizdiń elimizdiń BUU Qaýipsizdik Keńesiniń músheligine eki jylǵa saılanýy - Qazaqstannyń jetistikteriniń bir bıigi. Bul - qazaq dıplomatııasyndaǵy ǵana emes, sondaı-aq álemdik saıasat tarıhyndaǵy fenomen. Shynyn aıtqanda, mundaı teńdessiz sharyqtaýdy birde-bir el bastan keshpegen! 25 jyl derbes, táýelsiz damý ishinde qatardaǵy músheden basshylyq organdaǵy múshelikke deıin ósý bizdiń memleketimizdiń qolynan keldi.
Qarasańyz, tipti 25 jyl buryn Qazaqstan degen el saıası kartada da bolǵan joq, tek qyp-qyzyl KSRO turatyn. Tarıh úshin qas-qaǵym sátte qazaq eli qýatty serpilis jasady. Bul - barsha qazaqstandyqtyń maqtan tutar tabysy. Biz osylaısha, 25 jyldyq mereıtoıymyzǵa tamasha tabyspen, asqaraly mejemen jetip otyrmyz.
Meniń esime 2010 jyldyń sáýir aıy túsedi. Sonda elimizge BUU Bas hatshysy Pan Gı Mýn sapar jasaǵan bolatyn. Ol Vashıngtonda birinshi ret uıymdastyrylǵaly otyrǵan Jahandyq ıadrolyq qaýipsizdik sammıtine Elbasyny shaqyrý úshin kelipti. ıAǵnı BUU Bas hatshysy búkil álemde tek Qazaqstannyń basshysyn ǵana jeke ózi kelip, shaqyrdy.
Sol joly Pan Gı Mýn myrzanyń aıtqan sózin jahandyq barlyq aqparat agenttikteri jarııalady. «Siz, Nursultan Ábishuly, álemdegi óz áriptesterińizge jáne halyqaralyq qoǵamdastyqqa osynaý essiz ıadrolyq jarysty toqtatýdy talap etip, qaıyrylý boıynsha moraldyq quqyqqa ıe jalǵyz Prezıdent bolyp tabylasyz! Óıtkeni Siz ajal sepken polıgondy jaýyp, ıadrolyq arsenaldan bas tartqan tuńǵysh jáne ázirge jalǵyz Prezıdentsiz!» dedi BUU Bas hatshysy.
Keıin Elbasy baıandama jasaǵan sol Jahandyq sammıt tabysty aıaqtalyp, barlyq lıderlerdiń ortaq sýretke túsý rásimi bastalǵanda, Qazaqstan Kóshbasshysyna birinshi orynnan jáne týra ortadan eń laıyqty ári abyroıly tuǵyr tıdi. Osynyń ózinen elimizdiń bıik mártebesi pash etildi.
Qazaqstan sodan beri 2010 jyly EQYU Sammıtin, Álemdik jáne dástúrli dinder lıderleriniń bes sezin ótkizdi. Bizdiń el búkil álemge qaýipsizdik, bitimgershilik, beıbitshilik jáne rýhanılyq dánin egýde. Biz planetamyzdy saqtaý máselelerin kóterýdemiz. Qazaqstannyń jáne onyń lıderiniń izgi ustanymy, álemdik saıasat problemalaryna adamgershilik turǵydan kelýi osy jolǵy saılaýda da jeńiske jetti.
Bizdiń bárimiz osy tabysqa súısinýdemiz. Qutty bolsyn, aǵaıyn!
Georgıı Kan, tarıh ǵylymdarynyń doktory, professor:
Álem elderi danalyǵy úshin tańdady
Qazaqstannyń BUU Qaýipsizdik Keńesine 2017-2018 jyldardaǵy múshesi bolyp saılanýyn úlken qýanyshpen qabyldadyq. Bul kópten kútilgen habar edi.
Bul - sonymen birge, zor jaýapkershilik. Álem qazir kúrdeli ýaqytty bastan keshýde. Qansyraǵan Sırııa men Irak, terrorlyq shabýyldardan jany túrshikken Túrkııa, qyrǵıqabaq qatynastaǵy Reseı men Batysty aıtýǵa bolady? Adamzat durys jolǵa bastar, arazdasqandy tatýlastyrar, adasqandy tabystyrar aqylshyny, danalyqty qajet etedi. Sondyqtan da 138 memlekettiń tańdaýy Qazaqstanǵa túsip otyr.
Bul álemdik qoǵamdastyqtyń elimizge jáne Elbasyǵa senetinin kórsetedi. Bul bizdiń boıymyzǵa tyń kúsh pen senim quıady, rýhtandyrady. Óıtkeni bizdiń elimiz durys jolmen, órkenıetti órkendeý baǵytynda damýda.
Bul Elbasynyń zor bedelin de pash etedi. Ol HHІ ǵasyrdaǵy álemdik qaýipsizdik manıfestiniń avtory jáne bul qujat BUU tarapynan basshylyqqa alynatyn qujat retinde qabyldanǵan. Bizge endi BUU Qaýipsizdik Keńesiniń múshesi retinde osy jáne basqa da iri jahandyq jobalarymyzdy ilgeri jyljytýǵa múmkindik berilip otyr.
Qazaqstannyń izgi bastamalary iske asyp, álem ıadrolyq qarýdan arylsa, bul - halqymyzdyń barlyq urpaqtarynyń uly maqtanyshyna aınalmaq.
Jalpy, meniń oıymsha, óz músheligi aıasynda Qazaqstan tek soǵys pen beıbitshilik, terrorızm jáne ekstremızm máselelerimen shektelmeıdi. Elbasy buǵan deıin álemde sý, energııa resýrstarynyń tapshylyǵy, tipti qarjy jáne ekonomıka salalaryndaǵy qaýipsizdik máselelerin kótergen. Bul máseleler biz, barsha qazaqstandyqtar úshin de ózekti.
Aldaǵy eki jylda BUU Qaýipsizdik Keńesi minberinen resmı Astana jahandyq qaýipsizdikke qatysty kóptegen máselelerge álem nazaryn aýdartyp, jańa jobalarmen shyǵary sózsiz.
Barsha qazaqstandyqtardy elimizdiń BUU Qaýipsizdik keńesiniń 2017-2018 jyldardaǵy turaqty emes músheligine saılanýymen quttyqtaımyz. Bul jeńis jas respýblıkanyń ósip kele jatqan halyqaralyq bedeliniń jarqyn kórinisine aınaldy.
Qazaqstan paıdasyna tańdaý jasaý arqyly BUU músheleri Memleket basshysy N.Nazarbaevtyń jahandyq bastamalaryna, ásirese, ıadrolyq qarýsyzdaný, halyqaralyq terrorızmge qarsy is-qımyl, sondaı-aq «Álem. HHІ ǵasyr» manıfestinde kórinis tapqan beıbitshilik pen qaýipsizdikti qamtamasyz etý salasyndaǵy bastamalaryna qoldaý bildirdi.
«Qazaqstannyń isker áıelder qaýymdastyǵy» RQB
Barsha qazaqstandyqtardy elimizdiń 2017-2018 jyldarǵa BUU Qaýipsizdik keńesiniń turaqty emes músheligine saılanýymen quttyqtaımyz.
Bul tarıhı oqıǵa Prezıdent N.Nazarbaev basshylyǵyndaǵy Qazaqstan Respýblıkasynyń halyqaralyq bedelin jáne laıyqty qurmetke ıe bolýyn moıyndaý bolyp tabylady jáne respýblıkanyń halyqaralyq qoǵamdastyqta atqaratyn belsendi rólin atap kórsetedi.
Bul otandyq dıplomatııanyń jeńisi jáne bizdiń elimizdiń ıadrolyq qarýsyzdaný úshin kúrestegi, sondaı-aq ultaralyq kelisim men dinaralyq taǵat-toleranttylyqtyń biregeı baǵdarlamasyn qurýdaǵy eńbegin sózsiz taný bolsa kerek.
«EKSPO-2017», Ýnıversıada-2017, Qazaqstandaǵy ekonomıka, bilim berý, densaýlyq saqtaý salalaryndaǵy forýmdar beıbitshilik pen adamzat taǵdyry úshin bizdiń elimizdiń tereń alańdaýshylyǵyn bildiretin jáne atap kórsetetin álemdik aýqymdaǵy is-sharalar.
Qazaqstan BUU, EQYU, ShYU, IYU, UQShU, TMD jáne basqa da kóptegen halyqaralyq uıymdardyń belsendi múshesi. Qazaqstannyń BUU Qaýipsizdik keńesiniń turaqty emes múshesi bolyp saılanýy kelesi jyly Qazaqstan Respýblıkasynyń Shanhaı Yntymaqtastyq uıymyna tóraǵalyǵynyń bastalýymen tuspa-tus kelýiniń tereń sımvoldyq máni bar. Bul ózekti óńirlik problemalardy sheshý úshin BUU-men anaǵurlym tıimdi ózara árekettesýge múmkindik beredi.
Qazaqstan BUU-nyń bitimgershilik qyzmetin jáne onyń óziniń bitimgershilik áleýetin nyǵaıtý boıynsha kúsh-jigerlerin tolyq qoldaıdy.
Respýblıka BUU-da álemdik problemalardy sheshýde sarabdal jáne konstrýktıvti ustanymy bar memleket retinde keń tanyldy.
Qazaqstannyń BUU Qaýipsizdik keńesine saılanýy - bıik mártebe, qazaqstandyqtar úshin aıryqsha maqtanysh nysany. Bizdiń elimizge orasan zor senim kórsetildi jáne biz elimizdiń ony abyroımen aqtaıtynyna nyq senimdimiz.
Qazaqstan Respýblıkasy JOO-larynyń qaýymdastyǵy
Qazaqstannyń Azamattyq alıansy Memleket basshysy Nursultan Ábishuly Nazarbaevty jáne barsha qazaqstandyqtardy elimizdiń Birikken Ulttar uıymynyń Qaýipsizdik keńesiniń turaqty emes músheligine saılanýymen quttyqtaıdy!
Bul birinshi kezekte ıadrolyq arsenaldan bas tartý týraly sheshim qabyldap, álemdik lıderler arasynda birinshi bolyp saıası erik-jiger bildirgen Qazaqstan Prezıdentiniń bıik halyqaralyq bedeliniń jarqyn aıǵaǵy.
Bul sheshimniń Qazaqstan Táýelsizdiginiń 25 jyldyǵynda qabyldanýynyń sımvoldyq máni bar. Osy jyldar boıynda bizdiń elimiz teńgerimdi ishki jáne syrtqy saıasat júrgizip, halyqaralyq qoǵamdastyqtyń laıyqty moıyndaýyna ıe boldy.
Elimizdiń BUU Qaýipsizdik keńesiniń qyzmetine belsendi qatysýy Qazaqstannyń halyqaralyq bedelin odan ári joǵarylata túserine jáne respýblıka aldynan qaýipsizdiktiń jahandyq kún tártibin qalyptastyrýda keń múmkindikter asharyna senimdimiz.
Qazaqstannyń Azamattyq alıansy
«Jasyl el» jastardyń eńbek otrıadtarynyń respýblıkalyq shtaby Memleket basshysyn, barsha qazaqstandyqtardy Qazaqstannyń BUU Qaýipsizdik keńesiniń 2017-2018 jyldardaǵy turaqty emes músheligine saılanýymen quttyqtaıdy!
Biz elimizdiń bedeli men eńbeginiń moıyndalǵanyna kýá bolǵanymyz úshin shyn qýanyshtymyz.
Qazaqstan ıadrolyq qarýsyzdaný jáne ıadrolyq qarýdy taratpaý baǵdarlamalaryna árdaıym belsendi qatysyp keledi.
Qazaqstan Prezıdentiniń bastamasy boıynsha 25 tamyzdy, Semeı ıadrolyq polıgonynyń jabylý kúnin BUU ıAdrolyq synaqtarǵa qarsy is-qımyldyń halyqaralyq kúni dep jarııalady.
Búginde elimiz jahandyq antııadrolyq qaýipsizdikti nyǵaıtýǵa baǵyttalǵan halyqaralyq bastamalardy ilgeriletý boıynsha tanylǵan lıderge aınaldy.
Bizdiń oıymyzsha, 2017-2018 jyldary BUU Qaýipsizdik keńesine múshe bolý elimiz aldynan Qazaqstannyń bastamalaryn jahandyq deńgeıde ilgeriletý úshin biregeı múmkindikter ashady.
«Jasyl el» jastardyń eńbek otrıadtarynyń respýblıkalyq shtaby
«Qazaqstan - 2050» qozǵalysy barsha otandastarymyzdy Qazaqstannyń Birikken Ulttar Uıymy qaýipsizdik keńesiniń 2017 - 2018 jyldardaǵy turaqty emes músheleri quramyna enýimen quttyqtaıdy.
Bizdiń elimiz Elbasymyz Nursultan Nazarbaevtyń bedeli men halyqaralyq deńgeıdegi erekshe bastamala-ryn qoldaýynyń arqasynda 138 memlekettiń seniminen shyqty.
Biz halyqaralyq platforma minberinen jalpy álemdik qaýipsizdikti nyǵaıtýǵa baǵyttalǵan bastamalardy bizdiń elimiz odan ári nyǵaıtýǵa úles qosa beretindigine senemiz.
«Qazaqstan - 2050» qozǵalysy
2016 jyly 28 maýsymda Qazaqstannyń Birikken Ulttar Uıymy qaýipsizdik keńesiniń 2017 - 2018 jyldardaǵy turaqty emes músheleri quramyna Azııa-Tynyq muhıty memleketteriniń atynan enýi - biz úshin tarıhı mańyzy bar oqıǵa.
Bul ataýly saltanattyń elimiz táýelsizdiginiń 25 jyldyǵyn atap ótip jatqan saltanatty mereıtoı jylyna tap kelýiniń ózi erekshe qubylys.
Birikken Ulttar Uıymy qyzmetiniń tarıhynda bizdiń elimiz Ortalyq-Azııa aımaǵynda bedeldi uıymǵa birinshi bolyp turaqty emes músheleriniń qataryna endi.
Búginde Qazaqstan óziniń jasampaz bastamalarymen, ekonomıkasy turaqty damyǵan jáne kópultty qoǵam, ózara túsinistik pen ózara qurmetteý negizderine súıengen memleketke aınaldy.
Sonymen qatar qazirgi zamanǵy qyrǵı-qabaq pen álemniń túrli aımaqtaryndaǵy turaqsyzdyq memleketterden qaýipsizdik pen damýdyń jańa júıesin qabyldaýdy talap etedi. Onyń negizinde ózara yntymaqtastyq pen qurmetteý, toleranttyq pen ózara túsinistik jatyr.
Osy baǵyttaǵy negizgi jeli barlyq memleketterdiń birigýine kúsh salý, qazirgi qaqtyǵystardy eńserý jáne kelisim joldaryn izdeý, beıbitshilik pen kelisimge kelýde jatyr.
BUU quramyndaǵy Qazaqstannyń birinshi kezektegi mindeti - álemniń kez kelgen buryshy úshin mańyzdy, ózekti máselege aınalǵan halyqaralyq ekstremızm men lańkestikke qarsy qarsy turý jáne kúsh biriktirý.
Biz ózimizge artylǵan jaýapkershiligi zor mıssııany abyroıly atqaratyndyǵymyzǵa senimimiz mol.
«Qazaqstan dintanýshylar kongresi» QU
Qazaqstan jastary kongresi Ult kóshbasshysy N.Nazarbaevty jáne barsha otandastarymyzdy Qazaqstannyń Birikken Ulttar Uıymy qaýipsizdik keńesiniń 2017 - 2018 jyldardaǵy turaqty emes músheleri quramyna enýimen quttyqtaıdy.
BUU Bas assambleıasynda 138 qatysýshy memleketterdiń biraýyzdan daýysqa ıe bolý Memleket basshysynyń álem úshin ózekti jahandyq bastamalarynyń mańyzdylyǵyn kórsetedi.
Qazaqstan táýelsizdiktiń 25 jylynda áleýmettik-ekonomıkalyq damýdyń úlgisin kórsetip, beıbitshil memleket ekendigin, álemdegi turaqtylyq pen biriliktiń bastamashysy retinde kórsetti.
Bul - elimizdiń halyqaralyq arenadaǵy úlken jeńisi!
«Qazaqstan jastary kongresi»
Biz Qazaqstannyń Birikken Ulttar Uıymy qaýipsizdik keńesiniń 2017 - 2018 jyldardaǵy turaqty emes músheleri quramyna enýin asa zor mańyzy bar jańalyq retinde qabyldadyq.
Elimizdiń ǵylymı qoǵamy barsha qazaqstandyqtardy jáne el Prezıdenti - Ult kóshbasshysy N.Nazarbaevty osy tarıhı jeńispen quttyqtaımyz!
Osy kúnnen bastap Qazaqstan bedeldi uıymnyń tolyqqandy múshesi boldy jáne bizdiń elimiz beıbitshilik pen gýmanızm prıntsıpterinen aınymaǵanyn dáleldep berdi.
Búginde álem Qazaqstandy turaqty damyǵan, sonymen qatar birlik pen kelisimdi saqtaýshy el retinde biledi.
Qazaqstan ótinishiniń basymdylyǵy - beıbitshiliksúıgish qoǵamdaǵy Ult kóshbasshysynyń bedelin kórsetip berdi.
Qazaqstannyń Birikken Ulttar Uıymy qaýipsizdik keńesiniń 2017 - 2018 jyldardaǵy turaqty emes músheleri quramyna enýi - halyqaralyq arenadaǵy tolaǵaı tabysymyz, bizdiń bastamalarymyzdyń baıandy bolýynyń ǵajaıyp múmkindigi, kún tártibindegi ózekti máselelerdi sheshýge zamanaýı kelissóz ornatýdyń bir joly.
Biz BUU qaýipsizdik keńesi aıasynda Qazaqstan beıbitshiliksúıgish prıntsıpterinen aınymaıtyndyǵyn jáne qaqtyǵystardy retteýge belsendi qatysatyndyǵyna senemiz.
Polıtologtar kongeresi,
Sotsıologtar qaýymdastyǵy
Qazaqstandaǵy koreı qaýymdastyǵy qazaqstandyqtardy jáne memleket basshysyn Qazaqstan BUU Qaýipsizdik keńesiniń turaqty emes múshesi bolýymen quttyqtaıdy.
Bul - Ult kóshbasshysy, Prezıdent Nursultan Nazarbaevtyń arqasy. Aldymyzdan ashylǵan jańa jol-jańa paraq tek Qazaqstan úshin ǵana tarıhı oqıǵa emes, tutas Orta Azııa úshin aıtýly jaıt. Endi osy aımaqtyń múddesi halyqaralyq bıik minberlerden aıtylatyn bolady. Qazaqstan Qaýipsizdik keńesi tetikterin paıdalana otyryp, jahandyq máselelerdi sheshýge túrtki bolaryna senimdimiz.
Qazaqstandaǵy koreı qaýymdastyǵy
Ázirbaıjandardyń Qazaqstandaǵy etnomádenı birlestigi Qazaqstan Respýblıkasynyń BUU Qaýipsizdik keńesiniń turaqty emes múshesi bolýyn úlken qýanyshpen qarsy aldy.
Osynyń ózi-aq Prezıdent Nursultan Nazarbaev júrgizip otyrǵan sarabdal saıasattyń durys ekendigin halyqaralyq deńgeıde moıyndalýy dep bilemiz. Bul bizdiń eldi kóptegen memlekettermen birlese jumys júrgizýine, álemdik ortaq máselelerdi birlese sheshýine múmkindik beredi. Dál qazirgideı dúbirli zamanda álemdegi turaqtylyqty, beıbitshilikti saqtaý úshin yntymaqtastyq kerek. Sondyqtan Qazaqstan álemdegi tynyshtyqty saqtaýǵa, onyń bekı túsýine bar kúshin salady dep senemiz.
Qazaqstandaǵy Ázirbaıjan
etnomádenı birlestigi
Táýelsizdigimizdiń 25 jyldyǵynyń qarsańynda bizdiń memleket taǵy bir úlken jetistikke qol jetkizdi. 2017-2018 jyldar aralyǵynda Qazaqstan BUU Qaýipsizdik keńesiniń turaqty emes múshesi bolyp saılandy.
Bul Elbasy Nursultan Nazarbaevtyń halyqaralyq deńgeıdegi bedeliniń arqasynda iske asyp otyr. Muny biz Elbasynyń tek tutastyqqa, birlikke jáne beıbitshilikke jetelegen suńǵyla saıasatynyń jemisi dep bilemiz. Biz etnomádenı birlestiktiń ókilderi elimizdiń Qaýipsizdik keńesiniń múshesi bolǵanyna maqtanamyz. Aldaǵy ýaqytta Qazaqstan osyndaı iri uıymnyń arqasynda jer-jahanda qaýip-qaterdiń bolmaýyna tek tynyshtyqtyń órbýine úlken úles qosady degen oıdamyz.
Tatar qaýymdastyǵy jáne «Idel» tatar-bashqurt qoǵamdyq jáne mádenı ortalyǵy
Qazaqstannyń BUU Qaýipsizdik keńesiniń turaqty emes múshesi bolyp saılanýy bul Nursultan Nazarbaev júrgizip otyrǵan saıasattyń durys ekendiginiń jemisi hám jeńisi. Osynyń ózi-aq Elbasynyń álemdik deńgeıdegi biregeı saıasatker ekendiginiń kepili. Qazaqstannyń uıymǵa turaqty emes múshe bolýynyń ózi-aq aımaqtyq máselelerdi álemdik deńgeıge kóterýge, ǵalamnyń kún tártibinde turǵan ózekti máselelerdi tikeleı sheshýge múmkindik beredi. Qazaqstan qashanda álemdik bastamalardyń altyn besigi. Elbasynyń álemdik beıbitshilik pen qaýipsizdikti kúsheıtý baǵytyndaǵy bastamalary sondaı-aq Azııadaǵy ózara yqpaldastyq jáne senim sharalary jónindegi keńesin qurýy, EQYU tóraǵasy bolýy, Orta Azııada ıadrolyq qarýlardan azat aımaǵyn qurý, «Álem. HHI ǵasyr» manıfestin ataýǵa bolady. Qazaqstannyń ustanymy BUU Qaýipsizdik keńesinde óz ornyn tabary anyq.
«Qyrǵyzstan - Astana»
qyrǵyz etnomádenı birlestigi
