Elbasy: Bankrottyq degenimiz kásiporyndy jaýyp, adamdardy jumyssyz qaldyrý emes
ASTANA. QazAqparat - Bankrottyq degenimiz kásiporyndy jaýyp, adamdardy jumyssyz qaldyrý emes. Bul týraly búgin Aqordada ótken QR Úkimetiniń keńeıtilgen otyrysynda Elbasy Nursultan Nazarbaev aıtty.
«Bankrottyq jaıynda aıtqan kezde barlyǵy oıbaı salyp, qorqady. Dúnıe júzinde kún saıyn mıllıon kompanııa bankrotqa ushyrap, mıllıon kompanııa qaıtadan qurylyp jatady. Eshkim ony sezbeıdi de. Bizdegi bankrottyq degen mekemeni jabý kerek, eldiń bárin taratý jiberý kerek. Eshkimde bankrottyqty bulaı jasamaıdy», - dedi QR Prezıdenti.
Elbasynyń aıtýynsha, kásiporyn bankortqa ushyrap, tólem qabiletsiz bolsa, odan ary damı almasa, onda memleket ony ózi qamqorlyǵyna alady. Kásiporyn ary qaraı jumysyn jalǵastyryp, adamdar jumystan bosatylmaıdy.
«Basqa menedjer shaqyrylyp, ol kelip, basqara bastaıdy. Mine, osyndaı zań qazir qabyldandy. Osylaı jumys isteý kerek. ıAǵnı, menshik ıesin kredıtordan qorǵaıtyn mehanızm bar. Men atalǵan zańǵa qol qoıdym. Atalǵan qujatta tólem qabiletsizdigin retteýdiń jańa júıesi qarastyrylǵan. Boryshker men kredıtor kásiporyndy qarjylaı saýyqtyrý maqsatynda qaryzdardy qaıta qurylymdaý máselesin birlesip sheshedi. Bul kúıreý degendi bildirmeıdi», - dedi Memleket basshysy.
