Elbasy «B» korpýsynyń memlekettik ákimshilik qyzmetshilerin attestattaýdy ótkizý týraly Jarlyqqa qol qoıdy
ASTANA. QazAqparat - Qazaqstan Respýblıkasynyń Prezıdenti Nursultan Nazarbaev «B» korpýsynyń memlekettik ákimshilik qyzmetshilerin attestattaýdy ótkizý týraly Jarlyqqa qol qoıdy, dep habarlaıdy Aqordanyń baspasóz qyzmeti.
«Qazaqstan Respýblıkasynyń memlekettik qyzmeti týraly» 2015 jylǵy 23 qarashadaǵy Qazaqstan Respýblıkasy Zańynyń 63-baby 1-tarmaǵyna sáıkes QAÝLY ETEMІN:
1. Qosa berilip otyrǵan «B» korpýsynyń memlekettik ákimshilik qyzmetshilerin attestattaýdy ótkizý qaǵıdalary bekitilsin.
2. «B» korpýsy memlekettik ákimshilik qyzmetshilerin attestattaýdy 2017 jylǵy 1 shildege deıin ótkizilsin.
3. Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi ortalyq memlekettik jáne jergilikti atqarýshy organdarmen birlesip, mynalardy:
1) «B» korpýsynyń memlekettik ákimshilik qyzmetshilerin attestattaýdy;
2) «B» korpýsynyń memlekettik ákimshilik qyzmetshilerin attestattaýdy ótkizý tártibi máseleleri boıynsha túsindirý jumysyn ótkizýdi qamtamasyz etsin.
4. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.
5. Osy Jarlyq alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń
Prezıdenti N.Nazarbaev
Astana, Aqorda, 2016 jylǵy 30 jeltoqsan
№ 404
Jarlyqtyń qosymshalaryn myna jerden júktep alyp tanysýǵa bolady.
