Elbasy: B.Baıbek mańyzdy saılaý naýqandaryna qatysty
ALMATY-ASTANA. QazAqparat - Baýyrjan Baıbek - osyndaı laýazymǵa taǵaıyndalyp otyrǵan «Bolashaq» baǵdarlamasynyń birinshi túlegi. Memleket basshysy Almatyda ótken qalalyq máslıhattyń sessııasy barysynda elimizdiń iri qalasy ákimine kandıdatýrasy depýtattar tarapynan biraýyzdan qoldaý tapqan Baýyrjan Baıbek jaıly osylaı atap ótti.
Bul týraly Aqordanyń baspasóz qyzmeti habarlady.
Baýyrjan Baıbek - osyndaı laýazymǵa taǵaıyndalyp otyrǵan «Bolashaq» baǵdarlamasynyń birinshi túlegi Ol syrtqy ister mınıstrligi júıesinde, Prezıdent Ákimshiliginde jumys istedi, «Nur Otan» partııasy tóraǵasynyń birinshi orynbasary boldy. Qasymda jumys isteı júrip, meniń qyzmetimdi kórdi, búkil respýblıkamyzdy aralady, mańyzdy saılaý naýqandaryna qatysty, al bizdi alda parlamenttik saılaý kútip tur, bul ońaı synaq emes. Onyń qala aldynda turǵan mindetterdi elde júzege asyrylyp jatqan baǵdarlamalar aıasynda sizdermen birlesip sheshe alatynyna senimdimin, - dedi Qazaqstan Prezıdenti.
