Elbasy «Azattyq flotılııasyna» jasaǵan shabýyl janjalyna qatysy bar barlyq taraptardy ymyraǵa kelýge shaqyrdy
YSTAMBUL. Maýsymnyń 8-i. QazAqparat /Ernur Aqanbaı/ - Búgin Ystambulda ótip jatqan AÓІSShK-ge múshe elder Memleket jáne Úkimet basshylarynyń III sammıtinde Qazaqstan Prezıdenti Nursultan Nazarbaev Izraıl áskerı-teńiz kúshteriniń Gaza sektoryna gýmanıtarlyq kómek jetkizbek bolǵan «Azattyq flotılııasyna» jasaǵan shabýyl janjalyna qatysy bar barlyq taraptardy ymyraǵa kelýge shaqyrdy.
«Azııa Keńesiniń áleýetin, sonyń ishinde senim sharalary tárizdi múmkindikterin ótken aptada Jerorta teńiziniń shyǵys jaǵalaýynda oryn alǵan Izraıl áskerı kúshteriniń gýmanıtarlyq kemege shabýyly bul óńirdegi jaǵdaıdy ýshyqtyra tústi. Osy minbeden atalǵan janjalǵa qatysy bar barlyq taraptardy ymyraǵa kelýge shaqyramyn», dedi N. Nazarbaev. Elbasynyń aıtýynsha, ol úshin bolǵan jaǵdaıdyń barlyǵyn halyqaralyq deńgeıde zertteý qajet. Munysyz óńirdegi qaýipsizdik pen turaqtylyq jóninde sóz qozǵaýdyń ózi qıyn. Memleket basshysy qalyptasqan jaǵdaıǵa oraı áskerı-saıası baǵyttaǵy dıalogty damytý asa mańyzdy ekenin aıta kele: «Azııa Keńesiniń qolynda ózara qarym-qatynastardyń basty baǵyttaryn aıqyndaıtyn Senim sharalary tizimdemesi bar», - dedi.
