Elbasy aıtqandaı, jaqsy maman qashan da suranysqa ıe bolady - Almaty qalasy jastar saıasatyn damytý memlekettik qorynyń dırektory
; ALMATY. Qarashanyń 13-i. QazAqparat /Erbol Azanbek/- Jaqsy maman, búgin tikeleı efır barysynda Elbasy aıtqandaı, «qashan da suranysqa ıe bolady».Sondyqtan jastar qazirgi memleket qamqorlyǵyn durys baǵalap, bilim men ónerdi ıgerýge umtylýy tıis.
Bul týraly QazAqparat tilshisine Almaty qalasy jastar saıasatyn damytý memlekettik qorynyń dırektory Dáýren Muhamedjanov aıtty.
«Tikeleı jeli arqyly halyqpen tildesken Elbasy Nursultan Ábishulynyń jastarǵa, onyń ishinde jas mamandarǵa qatysty saýal qoıǵan stýdent Dıana Balaqanovaǵa bergen jaýaby kóńilge óte qonymdy boldy. Sebebi, el bolashaǵy jastardyń máselesi árqashanda ózekti. Al ol jastarymyzdyń zamanyna saı bilimdi de bilikti bolýy el bolashaǵyn aıqyndaıdy. Memleketten bólingen grantty utyp alǵan stýdentke oqýyn bitirgen soń, onyń ary qaraı aıaǵynan turyp ketýine memleket qoldaý kórsetýi kerek degeni, menińshe óte quptarlyq. Biraq, ol jas maman óz ýaqytyn tıimdi paıdalanyp, joǵary oqý ornynda tolyqqandy bilim alyp úlgerýi kerek, sondaı-aq sol bilim alǵan soń jumys taýyp ber dep alaqan jaıýy qajetsiz. Óıtkeni, memleket bilimdi jastyń oqýy úshin barlyq jaǵdaıdy jasap otyr. Sondyqtan jastar sol memleket qamqorlyǵyn jaqsy túsinip, jaqsy bilim alýǵa, jaqsy maman atanýǵa umtylýy tıis. Jaqsy maman, Elbasy aıtqandaı, «qashan da suranysqa ıe bolady». «Bilekti birdi, bilimdi myńdy jyǵady» degen halyq danalyǵyn biz, jastar árqashanda nazarda ustaýymyz kerek. Ony zaman, ózgergen qoǵam talap etip otyr», deıdi Almaty qalasy jastar saıasatyn damytý memlekettik qorynyń dırektory.
