Elbasy Áıelder isteri jáne otbasylyq-demografııalyq saıasat jónindegi ulttyq komıssııanyń quramyn nyǵaıtýdy tapsyrdy
ASTANA. QazAqparat - QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń quramyn nyǵaıtý kerek. Bul týraly búgin Memleket basshysy Nursultan Nazarbaev «Mereıli otbasy» ulttyq baıqaýynyń jeńimpazdaryn marapattaý rásiminde málimdedi.
«Komıssııa quramyn keńeıtý kerek, onyń jumysyna qosymsha bedeldi azamattyq qoǵam ókilderin tartý qajet», - dedi N. Nazarbaev.
Prezıdent komıssııa qoǵamdaǵy problemalyq máselelerdi zertteý múmkindigine ıe bolýy tıis ekendigin qadap aıtty.
«Nelikten balalar tastandy bolyp jatyr, ne úshin nekelerdiń 20 paıyzǵa jýyǵy alǵashqy 1-2 jylda ajyrasýmen aıaqtalady? Jastardyń otbasylyq ómirine aldyn ala kim kómektesedi, jas analarǵa kimder qoldaý kórsetedi jáne olardy osy máselelerge kimder psıhologııalyq turǵyda daıarlaıdy? Nege adamdar balalaryn tastap ketedi. Osy turǵyda túrli jaǵdaılar bar ekendigin túsinemiz, alaıda osyndaı kólemde tastandylar bolmaýy tıis. Nelikten balasy bar bolsa da qarttar jalǵyz qalyp jatyr», - dedi Prezıdent.
Sóz sońynda N. Nazarbaev QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa men QR Prezıdenti Ákimshiligine birlese bul máselelerdi zerttep, tıisti sharalardy qabyldaýdy tapsyrdy.
