Elbasy avıatsııa salasyna qatysty zańǵa qol qoıdy

ASTANA. QazAqparat - Qazaqstan Respýblıkasynyń Prezıdenti Nursultan Nazarbaev avıatsııa salasyndaǵy ulttyq zańnamany halyqaralyq standarttarmen úndestiretin zańǵa qol qoıdy. Bul týraly Aqordanyń baspasóz qyzmeti habarlady.

«Memleket basshysy áýe keńistigin paıdalaný jáne avıatsııa qyzmeti salasyndaǵy ulttyq zańnamany Halyqaralyq azamattyq avıatsııa uıymynyń standarttarymen úndestirýge, ushýlardyń qaýipsizdigi men avıatsııa qyzmetin retteýdiń tıimdiligi deńgeıin joǵarylatýǵa baǵyttalǵan «Qazaqstan Respýblıkasynyń keıbir zańnamalyq aktilerine áýe keńistigin paıdalaný jáne avıatsııa qyzmeti máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy», delingen habarlamada.