Elbasy «Aýyl sharýashylyǵy kooperatsııalary týraly» zań jobasyn ázirleýdi tapsyrdy

Memleket basshysy AÓK-ti damytý turǵysynda zańnamalyq qamtamasyz etý kerektigin aıtty. «Agroónerkásiptik keshenniń ónimdiligin arttyrý úshin Úkimet salyq zańnamasyna ózgerister blogy ázirlendi. Bıylǵy kúzde atalǵan zań jobasy Parlament Májilisine engizileýi tıis. Sonymen qatar, Úkimetke bıyldyń sońyna deıin «Aýyl sharýashylyǵy kooperatsııalary týraly» zań jobasyn ázirleýdi tapsyramyn», - dedi Elbasy. «Agroónerkásiptik keshendi damytý aıryqsha mańyzdy. Búginde osy salada 7 myńǵa jýyq iri agroqurylym, 184 myń aýyl sharýashylyǵy taýarlaryn óndirýshiler jumys isteıdi jáne AÓK-te 2 mıllıonǵa jýyq adam jumyspen qamtylǵan. Tek bıyldyń ózinde salany damytýǵa 302 mıllıard teńge qarastyrylǵan. Onyń 40 mıllıardy qaıtarymdy negizde»,-dedi Elbasy. Sonymen qatar, Prezıdent osy salaǵa jyl saıyn memleket tarapynan usynylatyn sýbsıdııalar artyp otyrǵandyǵyn atap ótti. «Jyl basynan beri 72,5 mlrd teńge somasyndaǵy nesıe men lızıng túrindegi qarjylyq qoldaýǵa 6,6 myń agrarlyq bıznes sýbektileri qol jetkizdi. Ulttyq qordan bólingen 100 mlrd teńgeniń ishinen qaıta óńdeý óndiristeri jobasyna 25 mlrd. teńge baǵyttalady. Qarjynyń tıimdi jumsalýyna qatań qadaǵalaý men eseptilik bolýy tıis»,-dedi N. Nazarbaev.