Elbasy «Aýyl - el besigi», «Sarbaz» jáne «Óz jerińdi tanyp bil» bastamalaryn kóterdi

ASTANA. QazAqparat - Memleket basshysy Nursultan Nazarbaev Qazaqstan halqyna Joldaýynda aýyldyq jerdi qoldaý jáne jas urpaqty tárbıeleý jumysy boıynsha tyń bastamalar kóterdi, dep habarlaıdy QazAqparat tilshisi.

«Aýyldyq jerlerdiń áleýmettik ortasyn jańǵyrtýǵa da kirisýimiz qajet. Osyǵan baılanysty arnaıy «Aýyl - el besigi» atty jobany júzege asyrý qajet. Bul arqyly qazaqstandyqtardyń jergilikti jerdegi eńbegine qatysty ıdeologııany qolǵa alýymyz kerek. Bul ákimshilikterdiń mindeti», - dedi Memleket basshysy.

Qazaqstan Prezıdenti sonymen qatar «Boıskaýt» qozǵalysy sekildi «Sarbaz» balalar-jasóspirimder birlestigin quryp, mektepterde áskerı-patrıottyq tárbıeniń rólin kúsheıtý kerektigin atap ótti. Bul bastamaǵa Elbasy Qorǵanys mınıstri atsalysar degen senim bildirdi.

««Óz jerińdi tanyp bil» jańa bastamasy aıasynda elimizdiń óńirleri boıynsha mektep týrızmin jańǵyrtý kerek. Mádenıet jáne sport mınıstri bul máseleni qolǵa alsa - jas urpaq jyl saıyn aralap Qazaqstanyn - Otanyn tereńirek bile túsedi», - dedi Prezıdent.