Elbasy Atyraý oblysyndaǵy ındýstrııalyq aımaqta boldy
Memleket basshysy onda nan jáne makaron ónimderin shyǵarý jónindegi tsehty aralap kórip, osy jerde óndiriletin daıyn ónim úlgilerimen tanysty.
Sonymen qatar, Qazaqstan Prezıdentine Atyraý oblysyndaǵy ınvestıtsııalyq jobalar kórsetildi. Atap aıtqanda, qýaty 52 megavatt bolatyn jel elektr stantsııasy, ystyq kúıinde myrysh jalatý tsehy, robot arqyly dánekerleý ádisin qoldana otyryp, metall konstrýktsııalaryn, karbon negizindegi qýatty kabel, krekıng katalızatorlaryn óndirý jónindegi kásiporyndar, farmatsevtıka zaýyty, qysymdy ólsheýge arnalǵan qurylǵylar shyǵaratyn zaýyt, qus fabrıkasy, aýmaǵy 20 gektar bolatyn jylyjaı jáne basqa da jobalar bar.
«Dáýlet» jeke ındýstrııalyq aımaǵy - kóp salaly zamanaýı kásiporyn. Onyń quramynda nan jáne kondıterlik ónimder óndiretin «Dáýlet Nan» zaýyty, aýyz sý daıyndaıtyn tseh, «Raıhan» sharýa qojalyǵy, makaron ónimderin óndiretin tseh, dıirmen, et kombınaty, tigin tsehy, sondaı-aq asfaltbeton zaýyty jumys isteıdi.
«Dáýlet» jeke ındýstrııalyq aımaǵynda 244 jumys orny ashylǵan.
