Elbasy atyna parlamenttik saılaýdaǵy «Nur Otan» HDP-nyń jeńisimen quttyqtap, izgi tilekterin bildirgen hattar tolassyz kelip jatyr
ASTANA. 26 qańtar. QazAqparat - Memleket basshysynyń atyna elimizdiń qarapaıym azamattarynan, túrli ujymdardan, ardagerler men jastar uıymdarynan ótken parlamenttik saılaýdaǵy «Nur Otan» HDP-nyń jeńisimen quttyqtap,
izgi tilekterin bildirgen hattar kóptep kelip túsýde.
Bul týraly QR Prezıdentiniń baspasóz qyzmetinen habarlady.
Qyzylorda oblysy Syrdarııa aýdandyq ardagerler keńesiniń tóraǵasy H. Ábenuly ótken saılaýda Parlament quramyna úsh partııa ókilderiniń enýi demokratııalyq qundylyqtardyń nyǵaıǵandyǵyn kórsetetinin atap ótken. Osy oblystyń turǵyny, ardager ustaz Anar Іzbasarova Qazaqstannyń jarqyn bolashaq úshin, el ekonomıkasynyń eselep damýy men halyqtyń ál-aýqatynyń jaqsara túsýi úshin «Nur Otan» HDP-syn tańdaǵanyn aıtyp, Elbasyn partııanyń saılaýdaǵy senimdi jeńisimen quttyqtaǵan. M.Mámetova atyndaǵy Qyzylorda gýmanıtarlyq kolledjiniń dırektory Á.Ábdihalyqovanyń hatynda parlamenttik saılaýda kolledj ujymynyń ult birliginiń bekem, turaqtylyqtyń tuǵyrly, Otanymyzdyń damýynyń qarqyndy bolýy úshin Elbasy basqarǵan «Nur Otan» HDP»-na biraýyzdan daýys bergendikterin jazady.
Sonymen qatar, «Pavlodar oblysynyń Qazaqstan stýdentter Alıansy» respýblıkalyq stýdentter qozǵalysy atynan joldaǵan hatynda D.Aıtyshev: «Bizdiń kóbimiz - Táýelsizdik qurdastarymyz. Sol sebepten biz eldiń damý tarıhyn jaqsy bilemiz. Elbasynyń saıasaty Qazaqstandy damyǵan elý eldiń qataryna qosýǵa baǵyttalǵan. Osyndaı bastamanyń oryndalýy, qurmetti Nursultan Ábishuly, Sizdeı dana saıasatker, kóregen Kóshbasshynyń bolýymen ǵana júzege asyrylady!», - dep jazady. Pavlodar qalasyndaǵy «Áleýmettik-volonterlik ortalyǵy» jastar uıymdary birlestiginiń hatynda avtorlar «Nur Otan» HDP-nyń saıası tuǵyrnamasyn qoldap daýys bergenin atap ótip, Memleket basshysynyń qyzmetine zor tabystar jáne jańa jeńister tilegen.
